SUN குழுமத்திலிருந்து வெளிவரும் காலை நாளிதழ்

தளி அருகே தகராறு அசாம் வாலிபர் குத்திக்கொலை

2/21/2019 4:15:02 AM

தேன்கனிக்கோட்டை,  பிப்.21: தளி அருகே அசாம் வாலிபர் குத்திக்கொலை செய்யப்பட்ட சம்பவத்தில்,  அவரது மைத்துனரை போலீசார் தேடி வருகின்றனர்.
அசாம் மாநிலத்தை  சேர்ந்தவர் சதிப்(26). இவர், கிருஷ்ணகிரி மாவட்டம் தளி  கோட்டரெட்டிப்பாளையம் கிராமம் அருகே, தனியார் கோழிப்பண்ணையில்  வேலை பார்த்து வந்தார். இவரது மனைவியின் அண்ணன் பிரதீப்  போராவுடன்(32) அங்கேயே அறை எடுத்து தங்கியுள்ளார். இந்நிலையில்,  நேற்று முன்தினம் மதியம், இருவரும் அறையில் இருந்தனர். அப்போது  இருவருக்கும் திடீரென தகராறு ஏற்பட்டு, ஒருவரையொருவர்  சரமாரியாக தாக்கி கொண்டதாக தெரிகிறது. இதில் ஆத்திரமடைந்த  பிரதீப் போரா, மறைத்து வைத்திருந்த கத்தியால் சதிப்பை சரமாரியாக  குத்தினார். இதில் ரத்த வெள்ளத்தில் சதிப் சரிந்ததை கண்ட பிரதீப்  போரா அங்கிருந்து தப்பியோடி விட்டார்.  இதனிடையே, அறைக்கு வந்த  சிலர் ரத்த வெள்ளத்தில் மயங்கி கிடந்த சதிப்பை மீட்டு, ஓசூர் அரசு  மருத்துவமனையில் சேர்த்தனர். இதுகுறித்து தளி போலீசாருக்கு  தகவல் கொடுக்கப்பட்டது. பின்னர், மேல் சிகிச்சைக்காக தர்மபுரி அரசு  மருத்துவமனைக்கு சதிப் கொண்டு செல்லப்பட்டார். அங்கு தீவிர  சிகிச்சை பலனின்றி நேற்று அதிகாலை அவர் உயிரிழந்தார். இதையடுத்து  கொலை வழக்காக பதிவு செய்த தளி போலீசார், தலைமறைவாக உள்ள பிரதீப்  போராவை தேடி வருகின்றனர். இச்சம்பவம் அப்பகுதியில் பரபரப்பை  ஏற்படுத்தியுள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

  • StalinElectionCampaign19

    தேர்தல் பிரச்சாரத்தை தொடங்கினார் மு.க.ஸ்டாலின்..தஞ்சாவூர் பொதுக்கூட்டத்தில் அலைகடலென திரண்ட மக்கள்: புகைப்படங்கள்

  • NorwayUnderRestaurant

    ஐரோப்பாவின் முதல் கடலுக்கடியில் இயங்கும் உணவகம்...நார்வே நாட்டில் துவக்கம்: பிரம்மிப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்