SUN குழுமத்திலிருந்து வெளிவரும் காலை நாளிதழ்

சிதம்பரம் நகராட்சியை கண்டித்து திமுக கண்டன ஆர்ப்பாட்டம்

2/21/2019 1:14:57 AM

சிதம்பரம், பிப். 21:  சீர்கெட்ட சிதம்பரம் நகராட்சி மற்றும் தரமற்ற பாதாள சாக்கடை திட்டப்பணிகள் மேற்கொள்ளும் தமிழ்நாடு குடிநீர் வடிகால் வாரியம் ஆகியவற்றை கண்டித்து சிதம்பரம் நகர திமுக சார்பில் கண்டன ஆர்ப்பாட்டம் நடந்தது. சிதம்பரம் வடக்குவீதி தலைமை அஞ்சல் நிலையம் அருகே நேற்று நடந்த ஆர்ப்பாட்டத்திற்கு நகர செயலாளர் கே.ஆர்.செந்தில்குமார் தலைமை வகித்து பேசுகையில், சிதம்பரம் நகராட்சி சீர்கேடுகள், தரமற்ற பாதாள சாக்கடை பணிகள் ஆகியவற்றை கண்டித்து 3வது முறையாக திமுக சார்பில் போராட்டம் நடத்தப்படுகிறது. நாங்கள் 33 வார்டு மக்களையும் திரட்டி 6 இடங்களில் ஆர்ப்பாட்டம் நடத்த திட்டமிட்டு காவல்துறையிடம் அனுமதி பெற்றோம். ஆனால் திடீரென காவல்துறை வடக்குவீதி தலைமை அஞ்சல் நிலையம் அருகே ஒரே இடத்தில் மட்டும் ஆர்ப்பாட்டம் நடத்த அனுமதித்துள்ளனர். ஏன் என்று கேட்டால் மேலிடத்து அழுத்தம் என்கின்றனர்.
சிதம்பரம் நகரில் குண்டும், குழியுமான சாலைகளால் அதிகளவில் விபத்துகள் நடந்து வருகின்றன.

தற்போது  பாதாள சாக்கடை திட்டப் பணிகள் தரமானதாக நடக்கவில்லை. நகரில் தற்போது போடப்படுகின்ற சாலைகளும் பேப்பர் ரோஸ்ட்களாக அப்படியே சுருட்டுகின்ற அளவில் போடப்பட்டுள்ளன. மக்களுக்கு கழிவு நீர் கலந்த குடிநீர் வழங்கப்படுகிறது. தரமான குடிநீர், சாலை உள்ளிட்ட அடிப்படை வசதிகள் இல்லாத நிலையில் வரி வசூல் மட்டும் வேகமாக நடந்து வருகிறது என்றார். ஆர்ப்பாட்டதில் நகர அவைத்தலைவர் தென்னவன் ஆறுமுகம், பொதுக்குழு உறுப்பினர்கள் ஜேம்ஸ் விஜயராகவன், ராஜேந்திரகுமார்.  மாவட்ட பிரதிநிதிகள் வெங்கடேசன், கிருஷ்ணமூர்த்தி, நகர துணை செயலாளர்கள் பன்னீர்செல்வம், பாலசுப்பிரமணியன், பொருளாளர் ஜாபர்அலி, முன்னாள் மாவட்ட மாணவரணி அமைப்பாளர் முருகேசன், மாவட்ட இளைஞரணி துணை அமைப்பாளர் அப்பு சத்யநாராயணன், பொறியாளர் அணி அப்பு சந்திரசேகரன், நகர இளைஞரணி தலைவர் மக்கள் அருள், 33வது வார்டு முனியாண்டி, மகளிரணி பூங்கோதை, லதா, முன்னாள் கவுன்சிலர்கள் ராஜன், ராஜராஜன், மணி, விஜயகுமார், விஜயா, வெங்கடேசன், கிருபாகரன், மாணவரணி சுதாகர், தொண்டரணி தாஸ் உள்ளிட்ட பலர் கலந்து கொண்டனர். நகர துணை செயலாளர் பாலசுப்பிரமணியன் நன்றி கூறினார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

  • StalinElectionCampaign19

    தேர்தல் பிரச்சாரத்தை தொடங்கினார் மு.க.ஸ்டாலின்..தஞ்சாவூர் பொதுக்கூட்டத்தில் அலைகடலென திரண்ட மக்கள்: புகைப்படங்கள்

படங்கள் வீடியோ கல்வி சினிமா ஜோ‌திட‌ம்