SUN குழுமத்திலிருந்து வெளிவரும் காலை நாளிதழ்

பெரியகுளத்தில் ரூ.500 கள்ளநோட்டு புழக்கம் தாராளம்

2/20/2019 5:58:33 AM

பெரியகுளம், பிப்.20: பெரியகுளத்தில் ரூ.500 கள்ளநோட்டு புழக்கம் அதிகரித்து வருவதாக புகார் எழுந்துள்ளது. பெரும்பாலும் டூவீலரில் சில்லரை வாங்க வருவோர் இந்த ஏமாற்று வேலையில் ஈடுபடுவதாக பாதிக்கப்பட்டவர்கள் புகார் தெரிவிக்கின்றனர்.பெரியகுளம் பகுதியில் சில நாட்களுக்கு முன் ரூ.2000 கள்ளநோட்டு புழக்கத்தில் விடப்பட்டது. டாஸ்மாக் கடையில் கள்ளநோட்டை கொடுத்த இருவரை தென்கரை போலீசார் பிடித்தனர். அதனை தொடர்ந்து ரூ.2000 கள்ள நோட்டு புழக்கம் குறைந்தது. தற்போது பெரியகுளம் தாலுகா பகுதியில் ரூ.500 கள்ள நோட்டு புழக்கம் உள்ளதாக புகார் எழுந்துள்ளது. டுவீலரில் வரும் இருவர் பெட்ரோல் பங்க், மளிகைக் கடை, ஜவுளிக்கடை உட்பட வணிக நிறுவனங்கள், தென்கரை மார்க்கெட்டில் ரூ.50 முதல் 100 வரை பொருட்கள் வாங்குகின்றனர். இதற்கு ரூ.500 கள்ள நோட்டு கொடுத்து மீதமுள்ள பணத்தை வாங்கிச் செல்கின்றனர்.

முகூர்த்த காலங்களில் திருமண மண்டபங்களில் அழைக்காத விருந்தாளியாக செய்முறைக்கு சென்று கள்ளநோட்டை மாற்றுகின்றனர். கடந்த ஒரு வார காலத்தில் 50 கடைக்காரர்கள் தலா ரூ.1000 முதல் 2 ஆயிரம் வரை கள்ள நோட்டு கொடுத்து ஏமாற்றப்பட்டுள்ளனர். போலீசில் சொன்னால் விசாரணை என்ற பெயரில் தேவையில்லாத அலைச்சல் ஏற்படும் என கருதி அவற்றை கிழித்து விடுகின்றனர். ரூ.500 கள்ள நோட்டை புழக்கத்தில் விட்டவர்களை பிடிக்க போலீசார் நடவடிக்கை எடுக்க வேண்டும் என பாதிக்கப்பட்டவர்கள் புகார் தெரிவித்துள்ளனர்.

மேலும் செய்திகள்

Like Us on Facebook Dinkaran Daily News
  • colorado

    கொலராடோ நாட்டில் மனித உரிமை சட்டத்தை பாதுகாக்க கோரி பொதுமக்கள் போராட்டம்

  • trainchina

    சீனாவில் முதல் அதிவேக மாக்லெவ் ரயில் அறிமுகம்: மணிக்கு 600 கி.மீ வேகத்தில் செல்லும் என தகவல்!

  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

படங்கள் வீடியோ கல்வி சினிமா ஜோ‌திட‌ம்