SUN குழுமத்திலிருந்து வெளிவரும் காலை நாளிதழ்

மாவட்டம் 23, 24 தேதிகளில் நடக்கிறது உத்தமபாளையம் உட்கோட்டத்தில் வாக்காளர் சேர்க்கை சிறப்பு முகாம்

2/20/2019 5:58:24 AM

உத்தமபாளையம், பிப்.20: உத்தமபாளையம் உட்கோட்டத்தில் வாக்காளர்கள் சேர்க்கை சிறப்பு முகாம்கள் வரும் 23 மற்றும் 24ம் தேதிகளில் நடக்கிறது.
உத்தமபாளையம் உட்கோட்டத்தில் உத்தமபாளையம், போடி தாலுகாக்கள் உள்ளன. இதில் கம்பம், போடி, ஆண்டிபட்டி(பகுதி), உள்ளிட்ட தொகுதிகள் அடங்குகின்றன. தேர்தல்ஆணையத்தின் உத்தரவின்படி 1.1.2019ம் தேதியை தகுதி நாளாக கொண்டு வாக்காளர் பட்டியல் சிறப்பு சுருக்க திருத்தம் நடைபெற்று, இறுதி வாக்காளர் பட்டியல் ஜனவரி 31ல் வெளியிடப்பட்டது. இந்நிலையில் பாராளுமன்ற தேர்தல் நடைபெற உள்ளதை அடுத்து அனைத்து 18 வயது நிரம்பிய வாக்காளர்களையும் சேர்க்க வேண்டும் என்பதன் அடிப்படையில் வாக்காளர் சரிபார்த்தல் மற்றும் தகவல் அளித்தல் என்பதை கருப்பொருளாக கொண்டு வரும் 23ம் தேதி மற்றும் 24ம் தேதி ஆகிய இரண்டு நாட்கள் சிறப்பு சுருக்க திருத்த முகாம் நடைபெற உள்ளது.

இந்நாட்களில் காலை 9.30 மணி முதல் மாலை 5.30 மணி வரை அனைத்து வாக்குச்சாவடி மையங்களிலும் வாக்காளர்கள் தங்களது பெயர்கள் இடம்பெற்றுள்ளதா என்பதையும், விடுபட்டு இருந்தால் உடனடியாக படிவங்களை வாங்கி பூர்த்தி செய்யவும், 18 வயதினை அடைந்திருந்தால் புதிதாக வாக்காளர்களாக சேரவும் மனு அளிக்கலாம். இதுகுறித்து உத்தமபாளையம் சப்கலெக்டர் வைத்திநாதன் கூறுகையில், ‘‘தேனி கலெக்டர் அறிவுறுத்தலின் அடிப்படையில் 18 வயது பூர்த்தி அடைந்தவர்கள் மற்றும் வாக்காளர் பட்டியலில் பெயர் விடுபட்டு இருந்தவர்கள் சேர்க்கைக்கு படிவம் 6, இடம்பெயர்தல், இறப்பு ஆகியவற்றுக்கு நீக்கலுக்கான படிவம் 7, விபரம் திருத்தல் செய்ய படிவம் 8, ஒரே தொகுதியில் முகவரி மாற்றம் செய்ய படிவம் 8ஏ உள்ளிட்ட படிவங்களை பூர்த்தி செய்து வரும் 23, 24 ஆகிய தேதிகளில் நடக்கும் சிறப்பு முகாம்களில் தரலாம்’’ என்றார்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

  • holifestivel

    வடமாநிலங்களில் வண்ணப்பொடிகளை பூசி ஹோலி பண்டிகை உற்சாகமாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்