SUN குழுமத்திலிருந்து வெளிவரும் காலை நாளிதழ்

உவரி அந்தோணியார் பெருவிழாவில் நாளை சிறப்பு மாலை ஆராதனை

2/15/2019 4:41:36 AM


திசையன்விளை, பிப். 15:  உவரி கோடி அற்புதர் புனித அந்தோணியார் திருத்தல பெருவிழாவில், நாளை (16ம் தேதி) தூத்துக்குடி மறை மாவட்ட ஆயர் இவோன் அம்புரோஸ் தலைமையில் சிறப்பு மாலை ஆராதனை நடக்கிறது. கடந்த 5ம் தேதி கொடியேற்றத்துடன் துவங்கிய விழாவில், தினமும் காலையில் நவநாள் திருப்பலி நடந்து வருகிறது. இன்று(15ம் தேதி) காலை 6.15 மணிக்கு நடைபெறும் திருப்பலியை வெளியூர் திருப்பயணிகள் சிறப்பிக்கின்றனர். இரவு 7 மணிக்கு அமலிநகர் பங்குத்தந்தை ரவீந்திரன் ‘புனித அந்தோணியார் நன்நாக்கு அழியா நற்றவர்’ என்ற தலைப்பில் மறையுரை நிகழ்த்துகிறார். 9 மணிக்கு புனித சகாய அன்னை சங்கீதசபா பாடலுடன் புனித அந்தோணியார் திருவுருவ சப்பர பவனி நடக்கிறது. 12ம் திருவிழாவான நாளை(16ம் தேதி) காலை 6.15 மணிக்கு நடைபெறும் திருப்பலியை இயேசுவின் திருஇருதய கொம்பீரியர் சபையினர், வெளியூர் வாழ் உவரி இறைமக்கள் சிறப்பிக்கின்றனர். இரவு 7 மணிக்கு தூத்துக்குடி மறை மாவட்ட ஆயர் இவோன் அம்புரோஸ் தலைமையில் பெருவிழா மாலை ஆராதனை நடக்கிறது. 9 மணிக்கு புனித சகாய அன்னை சங்கீத சபாவின் இன்னிசை கச்சேரி நடக்கிறது.  நாளை மறுநாள் காலை 6.15 மணிக்கு ஆயர் இவோன் அம்புரோஸ் தலைமையில் பெருவிழா கூட்டுத்திருப்பலி நடக்கிறது. 9 மணிக்கு திருவனந்தபுரம் அஞ்சன்கோ மறைவட்ட முதன்மைகுரு ஜோசப் பாஸ்கரன் வழங்கும் மலையாள திருப்பலி, புனித சகாய அன்னை சங்கீத சபா இன்னிசை, புனித அந்தோணியார் திருவுருவ சப்பர பவனி, 11.30 மணிக்கு திருப்பலி, மாலை 6.30 மணிக்கு திவ்ய நற்கருணை ஆசீர் நடக்கிறது.  ஏற்பாடுகளை தோமினிக் அருள் வளன், ஷிபாகர், திருத்தொண்டர் வில்லியம், திருத்தல நிதிக்குழு மற்றும் பணிக்குழு, அருட்சகோதரிகள், பங்கு இறைமக்கள் செய்து வருகின்றனர். பாதுகாப்பு ஏற்பாடுகளை வள்ளியூர் ஏஎஸ்பி ஹரிஹர பிரசாத் தலைமையில் உவரி இன்ஸ்பெக்டர் சந்திசெல்வி செய்து வருகிறார். திருவிழாவை முன்னிட்டு பல்வேறு பகுதிகளில் இருந்து அரசு சிறப்பு பஸ்களும் இயக்கப்படுகிறது.

மேலும் செய்திகள்

Like Us on Facebook Dinkaran Daily News
  • 22-05-2019

    22-05-2019 இன்றைய சிறப்பு படங்கள்

  • BhuldanaAccidentMum

    மகாராஷ்டிராவின் புல்தானா மாவட்டத்தில் வேன் மீது லாரி கவிழ்ந்து பெரும் விபத்து: 13 பேர் பலியான சோகம்!

  • CivilAviationJetAirways

    மத்திய விமானப் போக்குவரத்துத் துறை அமைச்சகம் முன்பு ஜெட் ஏர்வேஸ் நிறுவன ஊழியர்கள் போராட்டம்: புகைப்படங்கள்

  • RajivAnniversary28

    முன்னாள் பிரதமர் ராஜீவ் காந்தியின் 28ம் ஆண்டு நினைவு தினம்...மலர் தூவி அஞ்சலி செலுத்திய அரசியல் தலைவர்கள்!

  • ICRA2019

    கனடாவில் ரோபோக்கள் மற்றும் தானியங்கிகளுக்கான சர்வதேச கருத்தரங்கம் மற்றும் கண்காட்சி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்