SUN குழுமத்திலிருந்து வெளிவரும் காலை நாளிதழ்

அழகர்கோணம் மலையில் பயங்கர தீ மரங்கள் எரிந்து சாம்பல்

2/15/2019 12:42:35 AM

நாகர்கோவில், பிப். 15: நாகர்கோவில் அருகே அழகர்கோணம் மலையில் தீவிபத்து ஏற்பட்டு பற்றி எரிகிறது. குமரி மாவட்டத்தில் உள்ள மலைகளில் அடிக்கடி காட்டு தீ பிடித்து வருகிறது. நாகர்கோவில் களியங்காட்டிற்கும் இறச்சகுளத்திற்கும் இடைப்பட்ட  அழகர்கோணம் மலையில் நேற்று முன்தினம் தீ பிடித்து தொடர்ந்து எரிந்து வருகிறது.  காற்று வேகமாக வீசி வருவதால் தீயும் வேகமாக பரவி வருகிறது. இதனால் மலை முழுவதும் கரும் புகையாக காட்சி அளிக்கிறது. காற்றின் வேகம் குறையும்போது தீயின் வேகமும் குறைகிறது. மலையில் பிடித்த தீயை அணைக்கும் முயற்சியில் 2 நாட்களாக வனத்துறையினர் ஈடுபட்டு வருகின்றனர். ஆனால் காற்றுவீசுவதால் தீயை கட்டுக்குள் கொண்டுவர முடியாமல் வனத்துறையினர் திணறி வருகின்றனர். இந்த மலையில் வனவிலங்குகள் இல்லை. ஆனால் மரங்கள், மூலிகைகள் அதிக அளவு உள்ளது. அவைகள் இந்த காட்டு தீயால் கருகி வருகிறது.

இது குறித்து வனத்துறை அதிகாரி ஒருவர் கூறியதாவது:  குமரி மாவட்டத்தில் மேற்கு தொடர்ச்சி மலையில் வனவிலங்குள் அதிக அளவு உள்ளது. களியங்காட்டில் இருந்து இறச்சகுளம் செல்லும் பகுதியில் உள்ள மலைகள் வருவாய்துறையின் கட்டுப்பாட்டில் உள்ளது. இதில் வனவிலங்குகள் கிடையாது. அழகர்கோணம் பகுதியில் மலையையொட்டி பல வீடுகள் உள்ளன. இங்கு வசித்து வருபவர்கள்  தீ வைத்து இருக்கலாம் என கருதுகிறோம். இந்த மலையில் கடந்த 2 வருடமாக எந்த வித தீவிபத்தும் ஏற்படவில்ைல. மலையில் பிடித்த தீயை கட்டுக்குள் கொண்டுவர வனத்துறையினர் போராடி வருகின்றனர் என்றார்.

மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்