மதுரை, பிப். 8:  மதுரை மாவட்ட கால்நடை பராமரிப்புத்துறை மூலம் முன்னெச்சரிக்கை நடவடிக்கையாக கோழியினங்களுக்கு கோழிக்கழிச்சல் நோய் பரவாமல் தடுக்கும் பொருட்டு நாளை முதல் வரும் 22ம் தேதி வரை கோழிக்கழிச்சல் நோய் தடுப்பு இருவார முகாம் நடத்தப்பட உள்ளது.
இதன்மூலம் மாவட்டத்தில் உள்ள 4.56 லட்சம் கோழிகளுக்கு நோய் தடுப்பு ஊசி மருந்துகள் போடப்பட உள்ளது. முகாமில் அனைத்து கிராம விவசாயிகளும், பொதுமக்களும் கலந்து கொண்டு கோழியினங்களுக்கு தடுப்பு ஊசி போடலாம் என மாவட்ட கலெக்டர் நடராஜன் தெரிவித்துள்ளார்.