மதுரை, பிப். 8: சாலை பாதுகாப்பு வாரவிழாவையொட்டி நேற்று மதுரை ஒத்தக்கடையில் விழிப்புணர்வு பேரணி நடைபெற்றது.
இந்தியன் ரெட்கிராஸ் சொசைட்டி, ஒத்தக்கடை போக்குவரத்து காவல்துறை சார்பில் நடந்த விழாவிற்கு டிஎஸ்பி நல்லு தலைமை வகித்தார். கூடுதல் எஸ்பி நரசிம்மவர்மன், செஞ்சிலுவை சங்க பொறுப்பாளர்கள் கோபாலகிருஷ்ணன் ஆகியோர் தலைக்கவசம் அணிவதன் அவசியம் குறித்து பேசினர். முன்னதாக ஒத்தக்கடை போக்குவரத்து எஸ்ஐ விவேகானந்தன் வரவேற்றார். இன்ஸ்பெக்டர் வெங்கடேசன் நன்றி கூறினார். இந்த விழிப்புணர்வு பேரணியில் ஆட்டோ ஓட்டுநர்கள், இருசக்கர வாகன ஓட்டிகள் ஏராளமானோர் கலந்து கொண்டனர்.