SUN குழுமத்திலிருந்து வெளிவரும் காலை நாளிதழ்

தனியார் கல்லூரியில் பேராசிரியரின் டூவீலர் தீ வைத்து எரிப்பு

2/8/2019 4:17:36 AM

காடையாம்பட்டி, பிப்.8:  காடையாம்பட்டி அருகே பூசாரிப்பட்டியில், தனியார் பொறியியல் கல்லூரியில் ஆயிரத்திற்கும் மேற்பட்ட மாணவ, மாணவிகள் படித்து வருகின்றனர்.  இந்த கல்லூரியில், மேச்சேரியை சேர்ந்த  அண்ணாமலை என்பவர் பேராசிரியராக பணியாற்றி வருகிறார். மேலும், மாணவர்கள் தங்கும் விடுதி  காப்பாளராகவும் பணியாற்றி வருகிறார். கல்லூரி முடிந்து தினமும் விடுதியிலேயே தங்கிக்கொள்வது வழக்கம். நேற்று முன்தினம், விடுதி முன்பு தனது டூவீலரை நிறுத்தி விட்டு, தூங்கச் சென்றார். நள்ளிரவில் கல்லூரி  வளாகத்திற்குள் புகுந்த மர்மநபர்கள், டூவீலரை பெட்ரோல் ஊற்றி எரித்தனர். இதில் டூவீலரின் பெட்ரோல் டேங்க் வெடித்தது. சத்தம் கேட்டு தூங்கி கொண்டிருந்த பேராசிரியர் அண்ணாமலை மற்றும் மாணவர்கள் வெளியே வந்து பார்த்த போது, தீ மளமளவென பரவி கொளுந்து விட்டு எரிந்தது. உடனடியாக தண்ணீர் ஊற்றி அணைக்க முயன்றனர். ஆனால், அதற்குள் டூவீலர் முழுவதும் எரிந்து சாம்பலானது. இது குறித்து அண்ணாமலை கொடுத்த புகாரின் பேரில், சம்பவ இடத்திற்கு வந்த தீவட்டிப்பட்டி போலீஸ் இன்ஸ்பெக்டர் சம்பத் மற்றும் போலீசார், மாணவர்கள் மற்றும் காவலாளி உள்ளிட்டோரிடம் விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

  • russiatomatofight

    ரஷ்யாவில் நடைபெற்ற தக்காளி சண்டை நிகழ்ச்சி: பலர் ஆர்வத்துடன் பங்கேற்பு

படங்கள் வீடியோ கல்வி சினிமா ஜோ‌திட‌ம்