SUN குழுமத்திலிருந்து வெளிவரும் காலை நாளிதழ்

தஞ்சை மாவட்டத்தில் சிறுபான்மையினருக்கு கடன் வழங்கும் முகாம் 24ம் தேதி துவக்கம்

1/18/2019 1:38:30 AM

தஞ்சை, ஜன. 18: தஞ்சை மாவட்டத்தில் சிறுபான்மையினருக்கான கடன் வழங்கும் முகாம் வரும் 24ம் தேதி முதல் துவங்கி நடக்கிறது. தமிழ்நாடு சிறுபான்மையினர் பொருளாதார மேம்பாட்டு கழகம் மூலம் செயல்படுத்தப்படும் திட்டங்களான பொதுக்கால கடன் திட்டம், தனிநபர் கடன் திட்டம், சுய உதவி குழுக்களுக்கான சிறு தொழில் கடன் திட்டம், கல்வி கடன் திட்டம், கறவை மாடு கடனுதவி, ஆட்டோ கடன் ஆகிய திட்டங்களுக்கான கடன் வழங்கும் முகாம்கள் நடக்கிறது. அதன்படி வரும் 24ம் தேதி திருவையாறு தாசில்தார் அலுவலகம், 31ம் தேதி பூதலூர் தாசில்தார் அலுவலகம், பிப்ரவரி 7ம் தேதி ஒரத்தநாடு தாசில்தார் அலுவலகம், பிப்ரவரி 14ம் தேதி பட்டுக்கோட்டை தாசில்தார் அலுவலகம், பிப்ரவரி 21ம் தேதி பேராவூரணி தாசில்தார் அலுவலகம், பிப்ரவரி 28ம் தேதி பாபநாசம் தாசில்தார் அலுவலகம், மார்ச் 7ம் தேதி கும்பகோணம் தாசில்தார் அலுவலகம், மார்ச் 14ம் தேதி திருவிடைமருதூர் தாசில்தார் அலுவலகம், மார்ச் 21ம் தேதி தஞ்சாவூர் கலெக்டர் அலுவலகத்திலும் கடன் வழங்கும் முகாம் நடக்கிறது.

முகாமில் பங்கேற்று பயன்பெற விரும்பும் சிறுபான்மையினர் 18 வயது பூர்த்தியடைந்தவராகவும், கிராமப்புறங்களில் வசிப்பவராகவும் இருந்தால் ஆண்டுக்கு வருமானம் ரூ.81 ஆயிரத்துக்குள்ளும், நகர்ப்புறங்களில் வசிப்பவராக இருந்தால் ஆண்டு வருமானம் ரூ.1.03 லட்சத்துக்குள்ளும் இருக்க வேண்டும். ஒரு குடும்பத்தில் ஒருவருக்கு மட்டுமே கடனுதவி வழங்கப்படும். சுயஉதவி குழுக்களுக்கான கடன் பெறும் திட்டத்தின்கீழ் பயன்பெற குழு துவங்கி 6 மாதங்கள் பூர்த்தியாகி இருக்க வேண்டும். இவ்வாறு கலெக்டர் அண்ணாதுரை தெரிவித்துள்ளார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

  • holifestivel

    வடமாநிலங்களில் வண்ணப்பொடிகளை பூசி ஹோலி பண்டிகை உற்சாகமாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்