SUN குழுமத்திலிருந்து வெளிவரும் காலை நாளிதழ்

ஜூனியர் சூப்பர் கிங்ஸ் டி-20 போட்டி இந்தியாவில் விளையாட்டுகளுக்கு அதிக முக்கியத்துவம் தரப்படுகிறது

1/11/2019 6:14:47 AM

ஓமலூர், ஜன.11: இந்தியாவில் அனைத்து விளையாட்டுகளுக்கும் முக்கியத்துவம் தரப்படுவதாக, கிரிக்கெட் வீரர் பத்ரிநாத் தெரிவித்தார்.
 சேலம் பெரியார் பல்கலைக்கழகத்தில் ஜூனியர் சூப்பர் கிங்ஸ் கிரிக்கெட் போட்டி நடந்தது. இதில், வெற்றி பெற்ற சேலம் நீலாம்பாள் சுப்பிரமணியம் பள்ளி அணிக்கு, இந்திய அணியின் கிரிக்கெட் வீரர் பத்ரிநாத் கோப்பையை வழங்கி வாழ்த்தினார்.  சேலம் பெரியார் பல்கலைக்கழக விளையாட்டு மைதானத்தில், சென்னை சூப்பர் கிங்ஸ் அணி சார்பில் பள்ளி மாணவர்களை ஊக்கபடுத்தும் வகையில், ஜூனியர் சூப்பர் கிங்ஸ் டி-20 போட்டிகள் நடத்தப்பட்டு வருகிறது. மாநிலம் முழுக்க பல்வேறு இடங்களில் நடைபெறும் இப்போட்டியானது பெரியார் பல்கலைக்கழக வளாகத்திலும் நடக்கிறது. சேலம், நாமக்கல் மாவட்டத்தை சேர்ந்த 10 அணிகள் கலந்து கொண்டு விளையாடியது. இறுதி போட்டியில் சேலம் நீலாம்பாள் பள்ளியும், நாமக்கல் அரசு பள்ளி அணியும் மோதியது. டாஸ் வென்று முதலில் பேட்டிங் செய்த நாமக்கல் அரசு பள்ளி அணி 20 ஓவர்கள் முடிவில் 6 விக்கெட் இழந்து 129 ரன்கள் எடுத்தது.

 இதனை தொடர்ந்து களமிறங்கிய சேலம் நீலாம்பாள் சுப்ரமணியம் பள்ளி அணி 17வது ஓவரின் முடிவில் 5 விக்கெட்டுகளை இழந்து 130 ரன் எடுத்து வெற்றி பெற்றது. ரிசளிப்பு விழாவில் இந்திய கிரிக்கெட் அணியின் முன்னாள் வீரர் பத்ரிநாத் கலந்து கொண்டு பேசினார். அப்போது, இந்தியாவில் அனைத்து விளையாட்டுகளுக்கும் தற்போது முக்கியத்துவம் பெற்று வருகிறது. பிற விளையாட்டுகள் இளைஞர்கள் மத்தியில் செல்லாததற்கு கிரிக்கெட் காரணமல்ல. கிரிக்கெட் பட்டி, தொட்டியெங்கும் சென்றுள்ளது. திறமை வாய்ந்த அனைத்து வீரர்களுக்கும் வாய்ப்புகள் வழங்கப்பட்டு வருகிறது. தற்போது இந்திய அணி முழுமையான திறமையுடன் உள்ளது. அனைத்து போட்டிகளிலும் இந்திய வீரர்கள் சிறப்பாக விளையாடி வருகின்றனர். இந்திய அணி ஆஸ்திரேலியாவில் வெற்றி பெற்றது மிகப்பெரிய சாதனையாகும். இவ்வாறு அவர் பேசினார். தொடர்ந்து சேலம் மாவட்ட கிரிக்கெட் சங்க துணைத்தலைவரும், ஓமலூர் எம்எல்ஏவுமான வெற்றிவேல் மற்றும் சங்க நிர்வாகிகள் கலந்து கொண்டு வெற்றி பெற்ற அணிக்கும், இரண்டாமிடம் பிடித்த அணிக்கும் வாழ்த்துக்களை தெரிவித்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 21-03-2019

    21-03-2019 இன்றைய சிறப்பு படங்கள்

  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

படங்கள் வீடியோ கல்வி சினிமா ஜோ‌திட‌ம்