SUN குழுமத்திலிருந்து வெளிவரும் காலை நாளிதழ்

திருவாரூர் மாவட்டத்தில் மீண்டும் கணக்கெடுப்பில் குளறுபடி நிவாரணமின்றி மக்கள் திண்டாட்டம் மார்க்சிஸ்ட் ஆர்ப்பாட்ட எச்சரிக்கை

12/7/2018 6:07:54 AM

திருவாரூர், டிச.7: திருவாரூர் மாவட்டத்தில் மீண்டும் கணக்கெடுப்பு பணி என்று ஐஏஎஸ் அலுவலர்களின் குளறுபடி காரணமாக நிவாரணம் கிடைக்காமல் பாதிக்கப்பட்டவர்கள் திண்டாடி வருவதாக மார்க்சிஸ்ட் கம்யூனிஸ்ட் கட்சி தெரிவித்துள்ளது. இதுகுறித்து அதன் மாவட்ட செயலாளர் சுந்தரமூர்த்தி வெளி
யிட்டுள்ள அறிக்கை: கஜா புயல் காரணமாக திருவாரூர் மாவட்டம் மிகப்பெரிய பாதிப்பினை சந்தித்துள்ளது. பாதிப்புகள் குறித்து வருவாய்த் துறையினர் கணக்கெடுப்பு நடத்தி உள்ள நிலையில் டிசம்பர்  3ம் தேதி முதல் பாதிக்கப்பட்டவர்களுக்கான அவர்களது வங்கி கணக்கில் நிவாரண தொகை  வரவு வைக்கப்படும் என வருவாய்த்துறை அமைச்சர் உதயகுமார் பத்திரிக்கை  வாயிலாக தெரிவித்திருந்தார்.

இந்நிலையில் கணக்கெடுப்பில் குளறுபடி உள்ளதால் மீண்டும் கள ஆய்வு செய்ய உள்ளதாக மாவட்டத்திற்கென நியமிக்கப்பட்டுள்ள பயிற்சி ஐ.ஏ.எஸ் அதிகாரிகள் தெரிவித்து வருகின்றனர். புயல் தாக்கி தற்போது 20 தினங்கள் கடந்து விட்ட நிலையில் தற்போது மீண்டும் புதிதாக கணக்கெடுப்பு நடத்த உள்ளதாக தெரிவிப்பது எவ்விதத்தில் நியாயம். முகாம்களில் தங்க முடியாமல் கந்து வட்டிக்கு பணத்தை பெற்று பொதுமக்கள் தங்களது வீடுகளை கொஞ்சம் சீரமைத்து தற்போது அதில் குடியேறி வருகின்றனர். இந்நிலையில் தற்போது புதிய கணக்கெடுப்பு பணி என்று கூறி வீடுகளுக்கு சேதம் ஏற்படவில்லை என்பதை காரணம் காட்டி நிவாரண பயனாளிகளை குறைக்கும் வகையில் இதுபோன்று அவர்களின் செயல்பாடு உள்ளது. இதற்கு மார்க்சிஸ்ட் கம்யூனிஸ்ட் கட்சி கண்டனம் தெரிவிப்பதுடன் ஏற்கனவே எடுக்கப்பட்ட கணக்கெடுப்பின்படி பயனாளிகளுக்கு உரிய நிவாரண தொகையை உடனே அவர்களது வங்கி கணக்கில் வரவு வைக்க வேண்டும். இதற்கு மாறாக அலுவலர்கள் செயல்படும் பட்சத்தில் கட்சியின் சார்பில் மாபெரும் போராட்டம் நடத்தப்படும் என்றும் எச்சரிக்கை விடுக்கிறோம். இவ்வாறு சுந்தரமூர்த்தி தெரிவித்துள்ளார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • aalangatty_kanamalai11

    டெல்லியில் பெய்த கனமழை மற்றும் ஆலங்கட்டி மழை காரணமாக போக்குவரத்து முடக்கம்

  • northensnow

    பனிப்பொழிவால் உறைந்த வட மாநிலங்கள் : இயல்பு வாழ்க்கை பாதிப்பு

  • baloon_worstand

    ஆந்திராவின் அரக்கு பகுதியில் சர்வதேச பலூன் திருவிழா : பிரமாண்ட வண்ண பலூன்களால் பார்வையாளர்கள் பரவசம்

  • redmoon_lunar12

    சிவப்பு நிறத்தில் காட்சியளித்த நிலவு! : வானில் தோன்றிய முழு சந்திர கிரகணம்

  • 22-01-2019

    22-01-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்