SUN குழுமத்திலிருந்து வெளிவரும் காலை நாளிதழ்

2 மாதங்களுக்கு பின் முட்டல் நீர்வீழ்ச்சியில் குளிக்க மீண்டும் அனுமதி

12/7/2018 3:26:00 AM

ஆத்தூர், டிச.7: மழையால் சுற்றுலா பயணிகளுக்கு தடை விதிக்கப்பட்ட முட்டல் ஏரி நீர்வீழ்ச்சியில், 2 மாதங்களுக்கு பின் குளிக்க அனுமதி வழங்கப்பட்டுள்ளது. ஆத்தூர் அருகே முட்டல் கிராமத்தையொட்டி கல்வராயன் மலை தொடரில், முட்டல் ஏரி மற்றும் நீர்வீழ்ச்சி உள்ளது. இதை வனத்துறையினர் சுற்றுலா தலமாக பராமரித்து வருகின்றனர். படகு சவாரி மற்றும் நீர்வீழ்ச்சியில் சுற்றுலா பயணிகள் குளிக்கும் வசதி, வனப்பகுதியில் பொழுதுபோக்கும் வகையில் குடில், பூங்கா மற்றும் சிறுவர்கள் விளையாட வசதிகள் செய்யப்பட்டுள்ளது.  விடுமுறை நாட்களில் ஆத்தூர் மற்றும் விழுப்புரம், சேலம், பெரம்பலூர் உள்ளிட்ட பகுதிகளில் இருந்து ஏராளமான சுற்றுலா பயணிகள் வருகை தருகின்றனர். இந்நிலையில், கடந்த அக்டோபர் மாதம் பெய்த மழையால், நீர்வரத்து அதிகரித்தது. இதனால் சுற்றுலா பயணிகள் பாதுகாப்பு கருதி முட்டல் ஏரியை வனத்துறையினர் மூடினர். மேலும், நீர்வீழ்ச்சியில் குளிக்க தடை விதிக்கப்பட்டது.  

இதனால், முட்டல் பகுதிக்கு கடந்த 2 மாதமாக சுற்றுலா பயணிகள் வருகை வெகுவாக குறைந்தது. இந்நிலையில், தற்போது மழை பெய்யாததை கருத்தில் கொண்டு, நாளை (8ம் தேதி) முதல் முட்டல் ஏரி மற்றும் நீர்வீழ்ச்சியில் சுற்றுலா பயணிகள் குளிக்கலாம் என வனத்துறையினர் அனுமதி அளித்துள்ளனர். இதற்கான உத்தரவை மாவட்ட வன அலுவலர் பெரியசாமி பிறப்பித்துள்ளார் என ஆத்தூர் வனச்சரகர் அன்பழகன் தெரிவித்தார்.

மேலும் செய்திகள்

Like Us on Facebook Dinkaran Daily News
  • SiberiaPolarBearStreet

    ரஷ்யாவில் உணவைத் தேடி நூற்றுக்கணக்கான கி.மீ. தூரம் இடம்பெயர்ந்த பனிக்கரடி: அலைந்து திரிந்து சோர்ந்து படுத்த பரிதாபம்!

  • RahulBirthday2k19

    கட்சி பிரதிநிதிகளுடன் உற்சாகமாக பிறந்தநாளை கொண்டாடிய காங்கிரஸ் தலைவர் ராகுல் காந்தி: புகைப்படங்கள்

  • GrassBridgePeru

    ஆண்டுதோறும் காய்ந்த புற்களை கொண்டு கட்டப்படும் தொங்கு பாலம்..: மலைத்தொடரை இணைக்க உயிரை பணயம் வைக்கும் மக்கள்!

  • RoyalAscot2k19

    இங்கிலாந்தில் நடைபெற்ற ராயல் அஸ்காட் குதிரைப் பந்தயம்: விதவிதமான தொப்பிகளை அணிந்து வந்து அசத்திய பார்வையாளர்கள்

  • BiharProtestBrainFever

    பீகாரில் மூளைக்காய்ச்சல் காரணமாக தொடரும் குழந்தைகளின் உயிர்பலி: அரசுக்கு எதிராக போராட்டத்தில் குதித்த மக்கள்- புகைப்படங்கள்

படங்கள் வீடியோ கல்வி சினிமா ஜோ‌திட‌ம்