SUN குழுமத்திலிருந்து வெளிவரும் காலை நாளிதழ்

ஆலைகள் விடுமுறை நாளிலும் நொய்யல் ஆற்றில் ஓடிய சாய கழிவு நீர்

11/8/2018 1:50:26 AM

காங்கயம், நவ. 8 : தீபாவளி விடுமுறை நாளிலும் நொய்யல் ஆற்றில் செல்லும் நீரில் சாய கழிவு கலந்து கருப்பாக தண்ணீர் ஓடுவதால் விவசாயிகள் அதிர்ச்சியடைந்துள்ளனர்.
  கடந்த சில வாரத்திற்கு முன் பெய்த கன மழையால் திருப்பூர் நொய்யல் ஆற்றில் வெள்ளம் ஏற்பட்டது. அப்போது மழை வெள்ளத்தோடு சாயப்பட்டறை கழிவுகளை திறந்து விட்டதால் ஆற்றில் தண்ணீரில் அதிகளவு நுரை பொங்கி ஓடியது. இதனால் பொதுமக்கள் அதிர்ச்சி அடைந்தனர்.
 இந்நிலையில் தீபாவளி என்பதால் திருப்பூர் மாவட்டத்தில் உள்ள பெரும்பாலான கம்பெனிகள், சாய ஆலைகளுக்கு விடுமுறை அளிக்கப்பட்டுள்ளது.  இருப்பினும் நேற்று முன் தினம் இரவு சாய ஆலைகள் பணியை நிறுத்தும் முன் இருக்கும் கழிவுகளை வெளியேற்றினர்.
 இதனால் நேற்று மதியம் ஒரத்துபாளையம் அணைக்கு 137 கனஅடி தண்ணீர் வந்தது. நீர் மட்டம் 4 அடியாக இருந்தது. தண்ணீரில் டி.டி.எஸ் 2100 ஆக இருந்தது. தற்போது நொய்யல் ஆற்றில் சாயக்கழிவு நீர் கலப்பதில்லை என ஆலை உரிமையாளர்கள் கூறுகின்றனர்.  
 ஆனால் தீபாவளி விடுமுறை நாள் அன்றும் நீரில் டி.டி.எஸ் தன்மை குறைந்த பாடில்லை. இது விவசாயிகள் மத்தியில் அதிர்ச்சி ஏற்படுத்தியுள்ளது.  இதுகுறித்து, நொய்யல் பாசன விவசாயிகள் கூறுகையில், நொய்யல் ஆற்றில் தொடர்ந்து சாய கழிவுநீர் கலந்து வருகிறது. இதனால் ஆற்று பகுதியில் உள்ள போர்வெல் தண்ணீர் மாசடைந்து வருகிறது. கன மழையால் வந்த நல்ல நீரையும் தேக்கி வைக்க முடியவில்லை. கரையோரம் உள்ள பாசன பகுதியில் கிணறு, போர்வெல்லுக்கும் இந்த சாயநீர் கிடைக்கிறது. விளைநிலத்தில் எஞ்சியிருக்கும் தென்னையை காப்பாற்ற மாசடைந்த நீரை தான் பயன்படுத்த வேண்டியுள்ளது, என்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 20-01-2019

    20-01-2019 இன்றைய சிறப்பு படங்கள்

  • 19-01-2019

    19-01-2019 இன்றைய சிறப்பு படங்கள்

  • ChillaiKalanKashmir

    கடுமையான பனிப்பொழிவால் வெண் நிற ஆடை போர்த்தியது போல் காட்சியளிக்கும் காஷ்மீர்: கண்களை குளிர்விக்கும் புகைப்படங்கள்

  • bombblastcolombia

    கொலம்பியாவில் கார் வெடிகுண்டு வெடித்து விபத்து: 9 பேர் உயிரிழந்த பரிதாபம்!

  • chinafiredrone

    மின்கம்பிகளில் தொங்கும் குப்பைகளை அழிக்க தீயை உமிழும் ட்ரோன் சீனாவில் கண்டுபிடிப்பு!

படங்கள் வீடியோ கல்வி சினிமா ஜோ‌திட‌ம்