SUN குழுமத்திலிருந்து வெளிவரும் காலை நாளிதழ்

. உச்ச நீதிமன்ற கட்டுப்பாடு எதிரொலி பட்டாசு விற்பனை 30 சதவீதம் சரிவு

11/8/2018 1:49:00 AM

சேலம், நவ.8: தீபாவளி பண்டிகையில் பட்டாசு வெடிக்க உச்ச நீதிமன்றம் கட்டுப்பாடு விதித்ததால், தமிழகத்தில் நடப்பாண்டு பட்டாசு விற்பனை 30 சதவீதம் சரிந்தது என்று வியாபாரிகள் கவலை தெரிவித்துள்ளனர். தீபாவளியன்று இரவு 8 மணி முதல் 10 மணி வரை என 2 மணிநேரம் மட்டுமே பட்டாசுகளை வெடிக்க வேண்டும் என்று உச்சநீதிமன்றம் நேரம் நிர்ணயம் செய்தது. இதன் எதிரொலியாக பட்டாசு வெடிக்கும் நேரத்தை நிர்ணயம் செய்து, தமிழக அரசு அறிவிப்பு வெளியிட்டது. அதில் தீபாவளியன்று காலை 6 மணி முதல் 7 மணி வரையும், இரவில் 7 மணி முதல் 8 மணி வரையும் அனுமதி வழங்கியது. நீதிமன்ற அறிவிப்பால் நடப்பாண்டு எதிர்பார்த்த அளவில் பட்டாசு விற்பனை நடக்கவில்லை என்று வியாபாரிகள் கவலை தெரிவித்துள்ளனர்.இது குறித்து சேலத்தை சேர்ந்த பட்டாசு வியாபாரிகள் கூறியதாவது:ஒவ்வொரு ஆண்டும் தீபாவளி பண்டிகைக்கு ஒரு மாதத்திற்கு முன்பே பட்டாசு உற்பத்தி செய்யும் இடங்களில் இருந்து வியாபாரிகள் ெமாத்தமாக கொள்முதல் செய்து, விற்கும் இடத்திற்கு கொண்டு வருவோம். ஆயுதபூஜைக்கு பிறகு, பட்டாசுகளை தரம் பிரித்து சில்லரை விற்பனைக்கு அனுப்பி வைப்போம்.

 தீபாவளிக்கு இரண்டு நாட்கள் முன்பு விற்பனைக்காக பட்டாசு வைக்கப்படும். நடப்பாண்டு ஒரு மாதத்திற்கு முன்பே வியாபாரிகள் பட்டாசுகளை கொள்முதல் செய்தனர். இந்நிலையில் நீதிமன்றம் பட்டாசு வெடிக்க 2 மணிநேரம் மட்டுமே நேரம் நிர்ணயித்த காரணத்தால், பட்டாசு விற்பனை சரிவர நடக்கவில்லை. இதன் காரணமாக பட்டாசுகளை மொத்த கொள்முதல் செய்த வியாபாரிகள் கவலையடைந்தனர். கடந்தாண்டு வரை தீபாவளிக்கு முந்தைய நாள் இரவு 7 மணி முதல் 10 மணி வரை பட்டாசுகள் வெடிக்கப்பட்டது.  ஆனால் நடப்பாண்டு நீதிமன்றம் நேரம் நிர்ணயம் செய்ததால், பட்டாசு வெடிக்க நிர்ணயித்த நேரத்தில் மட்டும் 75 சதவீதம் பட்டாசு வெடிக்கப்பட்டது. மற்ற நேரங்களில் 25 சதவீதம் மட்டுமே பட்டாசு வெடிக்கப்பட்டது. இதன் காரணமாக கடந்தாண்டை காட்டிலும், நடப்பாண்டு தமிழக அளவில் 30 சதவீதம் பட்டாசு விற்பனை சரிந்தது.  இவ்வாறு வியாபாரிகள் கூறினர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்