SUN குழுமத்திலிருந்து வெளிவரும் காலை நாளிதழ்

காடையாம்பட்டி அருகே கரடுமுரடான முள்ளிசெட்டியப்பட்டி சாலையை சீரமைக்க வலியுறுத்தல்

11/8/2018 1:48:52 AM

காடையாம்பட்டி, நவ.8: காடையாம்பட்டி அருகே, தும்பிபாடி ஊராட்சியில், கற்கள் பெயர்ந்த முள்ளிசெட்டியப்பட்டி சாலையை சீரமைக்க பொதுமக்கள் கோரிக்கை விடுத்துள்ளனர். காடையாம்பட்டி தாலுகா தும்பிபாடி கிராமத்தில் சாமியார் காட்டுவளவு, சின்னநாகலூர், காட்டுவளவு வழியாக  முள்ளிசெட்டியப்பட்டி செல்லும் சாலை கடந்த, 10 ஆண்டுக்கு முன்பு  ஜல்லி கொட்டப்பட்டு சாலை அமைக்கப்பட்டது. ஆனால், இதுநாள் வரை தார்சாலை அமைக்காமல் கரடுமுரடாக அப்படியே விட்டுள்ளனர். இதனால் மண் அரிப்பு, ஜல்லிகள் பெயர்ந்து காணப்படுகிறது. இதன் காரணமாக பள்ளி மற்றும் கல்லூரி மாணவ, மாணவிகள், வேலைக்கு செல்வோர் மற்றும் வாகன ஓட்டிகள் என பல தரப்பினர் சாலையில் பயணிக்க முடியாமல் தவித்து வருகின்றனர். சாலையை சீரமைத்து தார் சாலை அமைத்து தர கோரி, ஓமலூர் பேரூராட்சி, மற்றும் தும்பிபாடி ஊராட்சி நிர்வாகத்தினரிடம் மனு அளித்தும் இதுநாள் வரை எவ்வித நடவடிக்கை எடுக்கப்படவில்லை.

எனவே, இனி வரும் நாட்களில் கரடுமுரடான சாலையை உடன் சீரமைத்து தர வேண்டும் என மக்கள் வலியுறுத்தி உள்ளனர்.இதுகுறித்து தும்பிபாடி கிராம மக்கள் கூறுகையில், கடந்த 10 ஆண்டாக தும்பிபாடி வழியாக செல்லும் முள்ளிசெட்டியப்பட்டி சாலை கரடு முரடாக காட்சி அளிக்கிறது. ஜல்லிகற்கள் ெகாட்டி, தார் சாலை அமைத்து தரவில்லை. இதனால் டிராக்டர், பஸ், டூவீலர் மற்றும் பலர் இந்த சாலையில் சென்று வர சிரமமப்படுகின்றனர். மேலும் விபத்து மற்றும் அவசர மருத்துவ சிகிச்சை பெற ஆம்புலன்ஸ் வருவதில் தாமதம் ஏற்படுகிறது.எனவே கற்கள் பெயர்ந்து கரடுமுரடான முள்ளிசெட்டியப்பட்டி சாலையை உடன் சீரமைக்க வேண்டும். இவ்வாறு அவர்கள் கூறினர்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-11-2018

    18-11-2018 இன்றைய சிறப்பு படங்கள்

  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

படங்கள் வீடியோ கல்வி சினிமா ஜோ‌திட‌ம்