SUN குழுமத்திலிருந்து வெளிவரும் காலை நாளிதழ்

ரூ.15 லட்சம் செலவில் பெரும்பள்ளம் ஓடையை தூர்வாரும் பணி துவக்கம்

9/21/2018 7:14:18 AM

 ஈரோடு,செப்.21: பெரும்பள்ளம் ஓடையை இரண்டாவது முறையாக ரூ.15 லட்சம் செலவில் தூர்வாரும் பணி நேற்று துவங்கியது. கீழ்பவானி வாய்க்காலின் முக்கிய கசிவு நீர் திட்டமாக சூரம்பட்டி அணைக்கட்டு விளங்குகிறது.அணைக்கட்டில் இருந்து பெரும்பள்ளம் நஞ்சை ஊத்துக்குளி வாய்க்கால் பாசனத்திற்கு கடந்த காலங்களில் தண்ணீர் திறக்கப்பட்டது. 2,450 ஏக்கர் நிலங்கள் பாசனம் பெற்று வந்த நிலையில், அணைக்கட்டு தூர்வாரப்படாததாலும், கழிவு நீர் தேங்கியதாலும் பல ஆண்டுகளாக பாசனத்திற்கு தண்ணீர் திறக்க முடியாமல் போனது. இதையடுத்து, ஈரோடை என்ற தொண்டு அமைப்பின் மூலம் சூரம்பட்டி அணைக்கட்டு கடந்த 3 ஆண்டுகளுக்கு முன்பு ரூ. 33 லட்சம் செலவில் தூர்வாரப்பட்டது. இதன் பயனாக இந்தாண்டு வாய்க்கால் பாசனத்திற்கு அணைக்கட்டில் இருந்து தண்ணீர் திறக்கப்பட்டுள்ளது.

இந்நிலையில் அணைக்கட்டின் கீழ்பகுதியான பெரும்பள்ளம் ஓடையானது திட மற்றும் திரவக்கழிவுகளால் நிரம்பி கிடக்கின்றது. ஈரோடு மாநகர எல்லைக்குள் ஓடும் இந்த ஓடையால் கடும் சுகாதார சீர்கேடு ஏற்பட்டது. மேலும் ஓடையில் செல்லும் கழிவுகள் அனைத்தும் காவிரி ஆற்றில் நேரடியாக கலப்பதால் காவிரி தண்ணீரும் மாசு ஏற்பட்டு வருகிறது. இதை தடுக்கும் வகையில் ஈரோடை அமைப்பின் சார்பில் ரூ.15 லட்சம் செலவில் 2 வது முறையாக தூவாரும் பணியை நேற்று கலெக்டர் கதிரவன் துவக்கி வைத்தார். நிகழ்ச்சியில் ஈரோடை அமைப்பின் தலைவர் டாக்டர் சுதாகர், தொழிலதிபர்கள் சின்னசாமி, குமார், தமிழக விவசாயிகள் சங்க மாவட்ட தலைவர் சுப்பு உள்ளிட்ட பலர் கலந்து கொண்டனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 12-12-2018

    12-12-2018 இன்றைய சிறப்பு படங்கள்

  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

படங்கள் வீடியோ கல்வி சினிமா ஜோ‌திட‌ம்