SUN குழுமத்திலிருந்து வெளிவரும் காலை நாளிதழ்

குடிநீர் கேட்டு காலிக்குடங்களுடன் ஆர்டிஓ அலுவலகத்தை பொதுமக்கள் முற்றுகை

9/12/2018 1:53:41 AM

தா.பேட்டை, செப்.12:  தா.பேட்டை அடுத்த தொட்டியப்பட்டி கிராம பொதுமக்கள் குடிநீர் கேட்டு முசிறி ஆர்டிஓ அலுவலகத்தை காலிக்குடங்களுடன் முற்றுகையிட்டதால் பரபரப்பு ஏற்பட்டது.தா.பேட்டை அடுத்த வாளவந்தி ஊராட்சிக்குட்பட்ட தொட்டியப்பட்டி, களத்துப்பட்டி, நடுப்பட்டி, கோமாளியூர், சித்திரப்பட்டி, கீழதொட்டியப்பட்டி, கம்பளிப்பட்டி உள்ளிட்ட கிராமங்களில் கடந்த 6 மாதங்களுக்கு மேலாக குடிநீர் தட்டுப்பாடு நிலவுகிறது. இதுகுறித்து அப்பகுதி மக்கள் சம்பந்தப்பட்ட அலுவலர்களிடம் நேரிலும், மனுக்கள் வாயிலாக வலியுறுத்தியும் எவ்வித நடவடிக்கையும் எடுக்கவில்லை.  இதையடுத்து அப்பகுதி மக்கள் கடந்த மாதம் தொட்டியப்பட்டி-வாளவந்தி சாலையில் மறியல் செய்தனர். குடிநீர் தட்டுப்பாட்டினை போக்குவதாக சமாதான பேச்சுவார்த்தையில் அதிகாரிகள் உறுதியளித்தனர். இதையடுத்து மறியல் கைவிடப்பட்டது.  இந்நிலையில் நேற்று அகில இந்திய விவசாய தொழிலாளர் சங்கத்தினருடன் அப்பகுதி மக்கள் முசிறி ஆர்டிஓ அலுவலகத்தை காலிக்குடங்களுடன் முற்றுகையிட்டனர். ஆர்டிஓ ரவிச்சந்திரன், ஒன்றிய ஆணையர்கள் பெரியசாமி, சந்திரசேகரன் ஆகியோரிடம் குடிநீர் பிரச்னைக்கு நிரந்தர தீர்வு காண உத்தரவிட்டார்.  பேச்சுவார்த்தையின்போது முசிறி இன்ஸ்பெக்டர் ஜெயசித்ரா மற்றும் விவசாய தொழிலாளர் சங்கத்தினர் வீரவிஜயன், முருகேசன், சுப்ரமணியன் உள்ளிட்ட பலர் உடனிருந்தனர். இதையடுத்து பொதுமக்கள் கலைந்து சென்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

  • protestsdan

    மக்களாட்சி கொண்டு வர வலியுறுத்தி சூடானில் தொடர் போராட்டம் : அமைதியற்ற சூழல் நீடிப்பதால் மக்கள் பாதிப்பு

  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

படங்கள் வீடியோ கல்வி சினிமா ஜோ‌திட‌ம்