SUN குழுமத்திலிருந்து வெளிவரும் காலை நாளிதழ்

எம்.ஜி.ஆர் நூற்றாண்டு விழா மினி மாரத்தான் நாகர்கோவிலில் செப்.16ல் நடக்கிறது

9/12/2018 12:30:54 AM

நாகர்கோவில், செப்.12:குமரி மாவட்ட கலெக்டர் பிரசாந்த் எம்.வடநேரே வெளியிட்டுள்ள செய்திகுறிப்பு:முன்னாள் முதல்வர் எம்.ஜி.ஆரின் நூற்றாண்டினை சிறப்பிக்கும் வகையில் ஆண்கள் மற்றும் பெண்களுக்கான மினி மாரத்தான் போட்டி வரும் 16ம் தேதி அன்று காலை 7 மணிக்கு நாகர்கோவிலில் நடைபெறவுள்ளது. இப்போட்டியில் முதல் மூன்று இடங்களை பிடிக்கும் கல்லூரி மற்றும் பள்ளிகளைச் சார்ந்த வெற்றியாளர்களுக்கு 22ம் தேதி அன்று நாகர்கோவில், ஸ்காட் கிறிஸ்துவ கல்லூரியில் வைத்து நடைபெறவுள்ள டாக்டர் எம்.ஜி.ஆர் நூற்றாண்டு விழாவில் பரிசு மற்றும் சான்றிதழ்களை தமிழக முதலமைச்சர் வழங்க உள்ளார்.

மினி மாரத்தான் போட்டி 16ம் தேதி அன்று காலை 7 மணிக்கு நாகர்கோவில் அண்ணா விளையாட்டரங்கத்தில் இருந்து தொடங்கி அண்ணா பஸ் ஸ்டாண்ட், கோட்டார், செட்டிகுளம் ஜங்சன், மாவட்ட கலெக்டர் அலுவலக சாலை வழியாக நூற்றாண்டு விழா நடைபெறவுள்ள ஸ்காட் கிறிஸ்துவ கல்லூரியை சென்றடையும். இப்போட்டியில் கலந்து கொள்ள விரும்பும் போட்டியாளர்கள் தங்களது பெயரை நாகர்கோவில், மாவட்ட விளையாட்டு அலுவலகத்தில் வரும் 15-ம் தேதி மாலை 4 மணிக்குள் பதிவு செய்ய வேண்டுமென கேட்டுக் கொள்ளப்படுகிறார்கள். இப்போட்டியில் கலந்து கொள்ளும் போட்டியாளர் தங்களது புகைப்படத்துடன் கூடிய அடையாள அட்டையினை கண்டிப்பாக கொண்டு வருதல் வேண்டும். மேலும், விபரங்களுக்கு நாகர்கோவில், மாவட்ட விளையாட்டு அலுவலகத்தினை தொடர்பு கொள்ளலாம். இப்போட்டியில் பள்ளி, கல்லூரி மாணவ மாணவிகள் மற்றும் பொதுமக்கள் பெருமளவில் கலந்து கொண்டு சிறப்பிக்க வேண்டும். இவ்வாறு செய்திகுறிப்பில் தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 18-06-2019

    18-06-2019 இன்றைய சிறப்பு படங்கள்

  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

படங்கள் வீடியோ கல்வி சினிமா ஜோ‌திட‌ம்