SUN குழுமத்திலிருந்து வெளிவரும் காலை நாளிதழ்

திருத்தணி அருகே பரபரப்பு : கோயில் பூட்டை உடைத்து அம்மன் நகைகள் கொள்ளை

9/12/2018 12:12:21 AM

சென்னை, செப். 12: திருத்தணி அடுத்த அரும்பாக்கம் கிராமத்தில் ஸ்ரீஅங்காள பரமேஸ்வரி கோயில் உள்ளது. நேற்று முன்தினம் இரவு வழக்கமான பூஜை முடிந்ததும் பூசாரி முரளி (எ) அங்கநாதன் கோயிலை பூட்டி விட்டு வீட்டுக்கு சென்றார். நேற்று காலை வழக்கம் போல் பூஜை செய்வதற்காக கோயிலை திறக்க வந்தார்.அப்போது கோயிலின் முன்பக்க பூட்டு உடைக்கப்பட்டு கதவு  திறந்து கிடந்ததை பார்த்து திடுக்கிட்டார். உடனே ஊர் கிராம பொதுமக்களிடம் இது பற்றி தகவல் தெரிவிக்கப்பட்டது. கிராம மக்கள் அங்கு சென்று பார்த்தபோது அங்கிருந்த உற்சவர் அம்மன் சிலை கழுத்தில் அலங்கரித்து இருந்த 3 சவரன் தங்க செயின் காணாமல் போனதை கண்டு அதிர்ச்சியடைந்தனர். மேலும், ₹10 ஆயிரம் மதிப்புள்ள பூஜை சாமான்களையும் மர்ம நபர்கள் அள்ளிச் சென்றது மட்டுமின்றி, அங்கிருந்த உண்டியலை உடைப்பதற்கு காலதாமதமாகும் என உணர்ந்த கொள்ளையர்கள் அதை அப்படியே தூக்கிச் சென்றனர். கடந்த அமாவாசை நாளில் திருவிழா நடந்த இந்த கோயிலில் பக்தர்கள் மூலம் காணிக்கையாக செலுத்திய சுமார் ₹30 ஆயிரம் இருக்குமென பக்தர்கள் கூறுகின்றனர்.
தகவலறிந்து கனகம்மாசத்திரம் போலீசார் சம்பவ இடத்துக்கு சென்று விசாரித்தனர். மேலும் போலீசார் வழக்குப்பதிவு செய்து மர்மநபர்களை வலைவீசி தேடி வருகின்றனர். ஏற்கனவே இதே கோயிலில் 2 முறை கொள்ளை  சம்பவம் நடந்துள்ளது. ஆனால், இதுவரை கொள்ளையர்கள் கைது செய்யப்படவில்லை என பக்தர்கள், ஊர் பொதுமக்கள் போலீசார் மீது குற்றம்சாட்டுகின்றனர்.

மேலும் செய்திகள்

Like Us on Facebook Dinkaran Daily News
  • 18-06-2019

    18-06-2019 இன்றைய சிறப்பு படங்கள்

  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

படங்கள் வீடியோ கல்வி சினிமா ஜோ‌திட‌ம்