SUN குழுமத்திலிருந்து வெளிவரும் காலை நாளிதழ்

Urban Tree

கிருஷ்ணகிரியில் திறன் பயிற்சி விழிப்புணர்வு மேளா

9/11/2018 5:20:20 AM

கிருஷ்ணகிரி, செப்.11: கிருஷ்ணகிரியில் நாளை(12ம் தேதி) திறன் பயிற்சி விழிப்புணர்வு மேளா மற்றும் திறன் மேம்பாட்டு பயிற்சிக்கான பதிவு செய்யும் முகாம் நடைபெறுகிறது. இதுகுறித்து மாவட்ட நிர்வாகம் வெளியிட்டுள்ள செய்திக்குறிப்பு: தமிழக அரசால் திறன் பயிற்சி, திறன் விழிப்புணர்வு மற்றும் சந்தையில் நிலவும் வேலைவாய்ப்புகள் குறித்து கிராமப்புற இளைஞர்களை சென்றடையும் வகையில் கிருஷ்ணகிரி மாவட்டத்தின் அனைத்து ஊராட்சி ஒன்றியங்களிலும் முகாம் நடத்தப்படவுள்ளது. முதற்கட்டமாக கிருஷ்ணகிரி ஊராட்சி ஒன்றியம் மற்றும் கிருஷ்ணகிரி ஒன்றியத்திற்குட்படட இளைஞர்களுக்கு திறன் பயிற்சி குறித்த விழிப்புணர்வு ஏற்படுத்தும் பொருட்டு, கிருஷ்ணகிரி ஊராட்சி ஒன்றிய அலுவலகத்தில் நாளை(12ம் தேதி) காலை 11 மணிக்கு திறன் பயிற்சி விழிப்புணர்வு மேளா மற்றும் திறன் மேம்பாட்டு பயிற்சிக்கான பதிவு முகாம் நடைபெறவுள்ளது.

இதில் 5ம் வகுப்பு படித்தவர்கள் முதல் பட்டப்படிப்பு வரை படித்த அனைத்து தரப்பினரும் கலந்துகொள்ளலாம். கிருஷ்ணகிரி மாவட்டத்திலுள்ள அரசு மற்றும் தனியார் பயிற்சி நிறுவனங்கள் மூலம் பேஸிக் கம்ப்யூட்டர், டேலி, ரீடேய்ல் ஆபரேட்டர், சிவிங் மெஷின் ஆபரேட்டர், எம்ராய்டரி மெஷின் ஆபரேட்டர், பார்மஸி அசிஸ்டெண்ட், ஜெனரல் அசிஸ்டெண்ட், ஸ்டிச்சிங் ஆபரேட்டர்(புட்வேர்), ப்ரி அசம்பிளி ஆபரேட்டர் (புட்வேர்) போன்ற திறன் பயிற்சிகள் இலவசமாக அளிக்கப்படுகிறது. எனவே, தாங்கள் விரும்பும் திறன் பயிற்சியில் சேர்ந்து பயிற்சி பெறலாம். பயிற்சி முடித்தவர்களுக்கு சான்றிதழ், தொடர்புடைய தனியார் துறைகளில் வேலைவாய்ப்பும் அளிக்கப்படுகிறது. அத்துடன் இப்பயிற்சியின் போது, போக்குவரத்து செலவினம், பயிற்சி புத்தகம், எழுதுபொருட்கள், புத்தகப்பை போன்றவை இலவசமாக வழங்கப்படுகிறது. எனவே, இத்திறன் பயிற்சி விழிப்புணர்வு மேளாவில் கலந்துகொண்டு, திறன் பயிற்சிக்கு பதிவு செய்து, விரும்பும் பயிற்சியை இலவசமாக பெற்று பயனடையுமாறு தெரிவிக்கப்படுகிறது. இவ்வாறு அந்த செய்திக்குறிப்பில் தெரிவிக்கப்பட்டுள்ளது. 

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

மருத்துவம்

Medical Trends கைகளின் வலி
Like Us on Facebook Dinkaran Daily News
  • dogsketc_123amer

    பனிச்சறுக்கு விளையாடும் உலகின் முதல் நாய் : வியக்க வைத்த பென்னி !

  • thailandbirdsing

    தாய்லாந்தில் நடைபெற்ற பறவைகள் பாடும் போட்டி : ஆயிரக்கணக்கான பறவைகள் பங்கேற்பு

  • presimodhi_madhya123

    மத்தியப் பிரதேசத்தில் பாஜக நிர்வாகிகள் கூட்டம் : பிரதமர் மோடி, அமித்ஷா பங்கேற்பு

  • bandh_inwest123

    மேற்கு வங்காளத்தில் முழு அடைப்பு போராட்டம் - பல இடங்களில் ரயில் மறியல் !

  • israel_newfasttrain

    இஸ்ரேலில் அதிவேக இரயில் திறப்பு - மக்கள் உற்சாகம் !

படங்கள் வீடியோ கல்வி சினிமா ஜோ‌திட‌ம்