SUN குழுமத்திலிருந்து வெளிவரும் காலை நாளிதழ்

செங்கோட்டை அருந்ததியர் காலனியில் 2 ஆண்டாக குடிநீர் விநியோகம் இல்லை

9/11/2018 5:05:25 AM

விருதுநகர், செப். 11: செங்கோட்டை அருந்ததியர் காலனியில், 2 வருடங்களாக தண்ணீர் வராத நிலையில், மனு அளிக்க காலிக்குடங்களுடன் பெண்கள் வந்ததால் கலெக்டர் அலுவலகத்தில் பரபரப்பு ஏற்பட்டது.விருதுநகர் அருகே உள்ள செங்கோட்டை அருந்ததியர் காலனி பெண்கள் காலிக்குடங்களுடன் கலெக்டர் அலுவலகத்தில் அளித்த மனுவில் கூறியிருப்பதாவது: செங்கோட்டை அருந்ததியர் காலனியில் 200க்கும் அதிகமான குடும்பத்தினர் வசித்து வருகிறோம். இங்குள்ள தெருக்குழாய்களில் கடந்த 2 ஆண்டுகளாக குடிநீர் வரவில்லை. காலனிப்பகுதியில் உள்ள இரண்டு மேல்நிலைத்தொட்டிககளில் ஏற்றப்படும் தண்ணீர் மற்ற குடியிருப்பு பகுதிகளுக்கு தினசரி திறந்து விடப்படுகிறது. மேலும், மெயின் குழாய் இணைப்பில் மற்ற தெருக்களின் குழாய்கள் இணைக்கப்பட்டுள்ளதால் தினசரி தண்ணீர் வருகிறது. அருந்ததியர் காலனிக்கு மட்டும் 2 ஆண்டுகளாக தண்ணீர் வருவதில்லை. இது குறித்து கேட்கவும் அச்சமாக உள்ளது. மேலும் தனிநபர் கழிப்பறைகள் அனைத்து குடியிருப்புகளுக்கும் வழங்கப்படும் நிலையில், அருந்ததியர் காலனி குடியிருப்புகளுக்கு வழங்கப்படவில்லை. வாறுகால், தெருவிளக்கு, சுகாதார வசதியின்றி காலனி மக்கள் சிரமப்படுகிறோம். எனவே, கலெக்டர் நேரில் ஆய்வு செய்து அடிப்படை வசதிகள் மற்றும் குடிநீர் விநியோகத்திற்கு நடவடிக்கை எடுக்க வேண்டும் என மனுவில் தெரிவித்துள்ளனர்.இலவச வீட்டுமனைப் பட்டா வழங்க கோரிக்கை:
திருவில்லிபுத்தூர் இனாம்செட்டிகுளம் அருந்ததியர் காலனி மக்கள் ஆதித்தமிழர் கட்சி ஒன்றியச் செயலர் பொன்னுச்சாமி தலைமையில் அளித்த மனுவில் கூறியிருப்பதாவது:   திருவில்லிபுத்தூர் ஒன்றியம், இனாம்செட்டி குளம் அருந்ததியர் காலனியில் குடியிருக்கும் பொதுமக்கள் அடிப்படை வசதியின்றி தவிக்கிறோம். இதனால், வாடகை வீடுகளில் வசித்து வருகிறோம். எங்கள் காலனி மக்களுக்கு இலவச வீட்டுமனை பட்டா வழங்க வேண்டும். மேலும் இடையன்குளம், மேட்டுமுள்ளிக்குளம், மம்சாபுரம், இடையபொட்டல்பட்டி, ரைட்டன்பட்டி, நாச்சியார்பட்டி, குப்பான்மடம், பூவானி, கன்னார்பட்டி, வேப்பங்குளம், பேயம்பட்டி, தொம்பக்குளம் கிராமங்களில் அருந்திய மக்கள் வசிக்கும் பகுதிகள் அடிப்படை வசதிகளின்றி இருப்பதால், மாவட்ட நிர்வாகம் உரிய நடவடிக்கை எடுக்க வேண்டும் என மனுவில்
தெரிவித்துள்ளனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-04-2019

    26-04-2019 இன்றைய சிறப்பு படங்கள்

  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

படங்கள் வீடியோ கல்வி சினிமா ஜோ‌திட‌ம்