தேவதானப்பட்டி, செப். 11: தேவதானப்பட்டி அருகே பெருமாள்கோவில்பட்டியில் போக்சோ வழக்கை திரும்ப பெற மிரட்டல் விடுத்த 3 பெண்களை போலீசார் கைது செய்தனர். மேலும் 3 பேரை தேடி வருகின்றனர்.தேவதானப்பட்டி அருகே பெருமாள்கோவில்பட்டியில் கடந்த மாதம் 28ந்தேதி பிளஸ் 2 வகுப்பு படிக்கும் பள்ளி மாணவி, முருகேசன்(36) என்பவரால் பாலியல் பலாத்காரம் செய்யப்பட்டார். இதுகுறித்து சைல்டுலைன் அமைப்பினருக்கு மாணவி அளித்த தகவலின் அடிப்படையில் தேவதானப்பட்டி போலீசார், முருகேசன் மீது போக்சோ சட்டத்தின் கீழ் வழக்கு பதிவு செய்தனர். இதனால் முருகேசன் தலைமறைவாக உள்ளார்.இந்நிலையில் நேற்று முருகேசனின் அம்மா அமராவதி, சகோதரிகள் வனிதா மற்றும் அவரது கணவர் லட்சுமணன், காமாட்சி மற்றும் அவரது கணவர் மூர்த்தி, முருகேசனின் மனைவி பிரியா(24) ஆகிய 6பேரும், மாணவி வீட்டிற்கு சென்று அவரது அம்மாவிடம் தகராறில் ஈடுபட்டு தாக்கியுள்ளனர். வழக்கை வாபஸ் பெறாவிட்டதால் கொலை செய்து விடுவதாக மிரட்டியுள்ளனர்.இதுகுறித்து மாணவியின் தாய், தேவதானப்பட்டி போலீசில் புகார் அளித்துள்ளார். இதையடுத்து மிரட்டல் விடுத்த 6 பேர் மீது போலீசார் வழக்குப்பதிவு செய்து வனிதா, காமாட்சி, அமராவதி ஆகியோரை கைது செய்தனர். தப்பியோடிய மூன்று பேரை தேடி வருகின்றனர்.