SUN குழுமத்திலிருந்து வெளிவரும் காலை நாளிதழ்

மாணவ, மாணவிகளுக்கு சைக்கிள், கேரம் போட்டி

9/11/2018 4:55:15 AM

சிவகங்கை, செப்.11:  சிவகங்கையில் தமிழ்நாடு விளையாட்டு மேம்பாட்டு ஆணையம் சார்பில் சைக்கிள் மற்றும் கேரம் போட்டிகள் நடக்க உள்ளன.
சிவகங்கை மாவட்ட விளையாட்டு அலுவலர் பிரபு விடுத்துள்ள அறிக்கையில் தெரிவித்துள்ளதாவது: சிவகங்கையில் அறிஞர் அண்ணா பிறந்தநாளை முன்னிட்டு செப்.15 அன்று பள்ளி மாணவ, மாணவிகளுக்கு சைக்கிள் போட்டிகள் நடைபெறவுள்ளன. 13 வயதிற்கு உட்பட்ட மாணவர்களுக்கு 15 கி.மீ, மாணவிகளுக்கு 10 கி.மீ, 17 வயதிற்குட்பட்ட மாணவர்களுக்கு 20 கி.மீ, மாணவிகளுக்கு 15 கி.மீ தூரம் போட்டிகள் நடக்க உள்ளன. போட்டிகளில் கலந்துகொள்ள விரும்பும் மாணவ, மாணவிகள் கண்டிப்பாக தாங்கள் பயிலும் பள்ளியின் தலைமையாசிரியர்களிடம் இருந்து பிறந்த தேதி சான்றிதழ் கண்டிப்பாக கொண்டு வரவேண்டும். சாதாரண சைக்கிள்களை போட்டிகளில் பயன்படுத்த வேண்டும். போட்டிகளில் வெற்றி பெற்று முதல் மூன்று இடங்களை பிடிக்கும் மாணவ, மாணவியருக்கு பரிசுகளும், ஒன்று முதல் பத்து இடங்களை பெறும் மாணவ, மாணவிகளுக்கு தகுதிச்சான்றிதழ்களும் வழங்கப்படும். செப்.15 அன்று மாவட்ட அளவிலான கேரம் போட்டி சிவகங்கை மாவட்ட திறந்தவெளி விளையாட்டரங்கில் நடக்க உள்ளது. மழலை வகுப்பு முதல் ஐந்தாம் வகுப்பு வரை இளநிலை பிரிவு, ஆறாம் வகுப்பு முதல் பிளஸ் 2 வரை முதுநிலை பிரிவு, ஒற்றையர் மற்றும் இரட்டையர் என இரு பிரிவாக இப்போட்டிகள் நடக்கின்றன. கேரம் போட்டிக்கு sdat.tn.gov.in  என்ற இணையதளத்தில் மட்டுமே விண்ணப்பிக்க வேண்டும். பள்ளி தலைமையாசிரியரிடமிருந்து வகுப்பு சான்றிதழ் பெற்று வர வேண்டும். இப்போட்டியில் வெற்றி பெறுபவர்கள் மாநில போட்டிக்கு தகுதி பெறுவர். இவ்வாறு தெரிவித்துள்ளார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 24-02-2019

    24-02-2019 இன்றைய சிறப்பு படங்கள்

  • 23-02-2019

    23-02-2019 இன்றைய சிறப்பு படங்கள்

  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

படங்கள் வீடியோ கல்வி சினிமா ஜோ‌திட‌ம்