SUN குழுமத்திலிருந்து வெளிவரும் காலை நாளிதழ்

இமானுவேல்சேகரன் குருபூஜை தடைசெய்யப்பட்ட வழித்தடத்தில் வரக்கூடாது மாவட்ட நிர்வாகம் எச்சரிக்கை

9/11/2018 4:49:17 AM

பரமக்குடி, செப்.11:  பரமக்குடியில் இமானுவேல் சேகரன் குருபூஜைக்கு தடை செய்யப்பட்ட வழித்தடங்களில் வரக்கூடாது என மாவட்ட நிர்வாகம் எச்சரித்துள்ளது. பரமக்குடியில் இன்று இமானுவேல் சேகரன் குருபூஜை நடைபெற உள்ளது. நினைவிடத்தில் அஞ்சலி செலுத்த வருபவர்கள் வாடகை வாகனங்களில் வர அனுமதி கிடையாது. பரமக்குடி 5 முனை சாலை, ஆர்ச் பகுதி, பஸ் ஸ்டாண்டு, இமானுவேல் நினைவிடம் உள்ளிட்ட முக்கிய இடங்களில் 50க்கும் மேற்பட்ட கண்காணிப்பு கேமராக்கள் பொருத்தப்பட்டுள்ளன. இதன் மூலம் அன்றைய நிகழ்ச்சிகள் அனைத்தையும் கண்ட்ரோல் அறையில் இருந்து கண்காணிக்கவும், அசம்பாவிதங்களில் ஈடுபடுபவர்கள் மீது கடுமையான நடவடிக்கை எடுக்கவும் போலீசார் தரப்பில் ஏற்பாடுகள் நடந்து வருகிறது. மாவட்டத்தில் 45 இடங்களில் செக்போஸ்ட் அமைக்கப்பட்டுள்ளது. நேற்று மாலை முதல் டாஸ்மாக் கடைகள்  அடைக்கப்பட்டன. வரும் 12ம் தேதி மாலை கடைகள் மீண்டும் திறக்கப்படும். முன்னெச்சரிக்ைக நடவடிக்கையாக பரமக்குடியில் 3,500 போலீசார் குவிக்கப்பட்டுள்ளனர். மாவட்டம் முழுவதும் 6 ஆயிரம் போலீசார் குவிக்கப்பட்டுள்ளனர்.   
     கலெக்டர் வீரராகவராவ் கூறுகையில், ‘‘நிகழ்ச்சிக்கு வருபவர்கள் செல்லும் வழித்தடங்களில் வாகன ரோந்துகள் ஏற்பாடு செய்யப்பட்டுள்ளன.  மாவட்டத்தில் 400 இடங்கள் பிரச்னைக்குரிய இடங்களாக ஆய்வு செய்யப்பட்டு போலீசார் பாதுகாப்பு பணியில் ஈடுபடுத்தப்பட்டுள்ளனர்.  இன்று முழுவதும் பரமக்குடிக்கு பஸ் வசதி செய்யப்பட்டுள்ளது.  பாதுகாப்பு காரணங்களுக்காக ஒவ்வொரு பஸ்ஸிலும் போலீசார் செல்ல அறிவுறுத்தப்பட்டுள்ளனர்.  மாவட்டத்தில் 90 தடை செய்யப்பட்ட வழித்தடங்கள் கண்டறியப்பட்டுள்ளன. அந்த வழித்தடங்களில் வாகனங்கள் செல்ல அனுமதி மறுக்கப்பட்டுள்ளது. தடை செய்யப்பட்ட வழித்தடங்களில் அஞ்சலி செலுத்துபவர்கள் வரக்கூடாது’’ என்றார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 129JawaharlalNehru

    நாட்டின் முதல் பிரதமர் ஜவஹர்லால் நேருவின் 129வது பிறந்தநாள்: அரசியல் தலைவர் மரியாதை

  • 2018TiruvannamalaiDeepam

    திருவண்ணாமலை கார்த்திகை தீபத்திருவிழா கொடியேற்றத்துடன் இன்று கோலாகலமாக தொடங்கியது

  • israelfire

    காஸா மீது சரமாரியாக குண்டுவீசிய இஸ்ரேல்: ராக்கெட் தாக்குதலுக்கு பதிலடி

  • singaporeasianmodi

    சிங்கப்பூரில் 13வது கிழக்காசிய உச்சி மாநாடு : பிரதமர் மோடி பங்கேற்பு!

  • crowd_thiruchendhuru11

    சூரபத்மனை வதம் செய்தார் சுவாமி ஜெயந்திநாதர் : சூரசம்ஹார நிகழ்ச்சியால் திருச்செந்தூர் விழா கோலம் பூண்டது

படங்கள் வீடியோ கல்வி சினிமா ஜோ‌திட‌ம்