SUN குழுமத்திலிருந்து வெளிவரும் காலை நாளிதழ்

தென்பரை ஆவணியப்பன் கோயிலுக்கு ரூ.3 லட்சத்தில் வெண்கல குதிரை சிலை பக்தர்கள் வழங்கினர்

9/11/2018 1:19:34 AM

மன்னார்குடி,செப்.11:  தென்பரை கிராமத்தில் உள்ள ஆவணியப்பன் கோயிலுக்கு ரூ.3 லட்சம் மதிப்பில் முழுஉருவ வெண்கல குதிரை சிலை பக்தர்கள் நேர்த்திக் கடனாக  வழங்கினர்.  கோட்டூர் ஒன்றியம் தென்பரை கிராமத்தில் நூறாண்டுகள் பழமை வாய்ந்த பிரசித்தி பெற்ற தென்பரை ஆவணியப்பன் கோயில் உள்ளது.  30க்கும் மேற்பட்ட கிராமங்களில் வாழும்  25 ஆயிரத்திற்கு மேற்பட்ட மக்கள் இக்கோயிலை மிகவும் சக்தி வாய்ந்த கோயிலாக எண்ணி வழிபட்டு வருகின்றனர். ஆண்டுதோறும் இக்கோயிலில் ஒரு வாரம் நடைபெறும் சித்திரை பெருவிழா மிகவும் பிரசித்தி பெற்ற திருவிழாவாகும். அப்போது பல்லாயிரக்கணக்கான மக்கள் திரண்டு வந்து ஆவணியப்பனை வழிபடுவார்கள். மேலும் இக்கோயிலுக்கு ஏராளமானோர் நேர்த்தி கடன்கள் செய்வது வழக்கம்.

 இந்நிலையில் தென்பரை ஆவணியப்பன் கோயிலுக்கு சுமார் ரூ.3 லட்சம் மதிப்பிலான  வெண்கல குதிரை சிலை வழங்கும் நிகழ்ச்சி நடைபெற்றது. அச்சிலை  முழுவதும் வெண்கலத்திலான ஆறடி உயரமும் ஐந்தடி நீளமும் கொண்ட பிரமிக்கத்தக்க வகையில் அமைந்திருந்தது.இந்நிகழ்ச்சியில், திண்டிவனத்தைச் சேர்ந்த சங்கரலிங்கம், தேவசேனா, முன்னாள் ஊராட்சி தலைவர்கள் ஆவணி, ராஜகோபால், திருப்பணி குழு பொறுப்பாளர்கள் நாராயணசாமி, வினோதன், தமிழ்செல்வம், கிராம கமிட்டி தலைவர்கள் மாரியப்பன், தங்கராசு, ராஜேந்திரன் மற்றும் தென்பரை கிராமவாசிகள் கலந்து கொண்டனர். ஆசிரியர் சுப்பிரமணியன், ராக.பாஸ்கர் ஆகியோர் நிகழ்ச்சியை ஒருங்கிணைப்பு  செய்திருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 10-12-2018

    10-12-2018 இன்றைய சிறப்பு படங்கள்

  • 09-12-2018

    09-12-2018 இன்றைய சிறப்பு படங்கள்

  • 08-12-2018

    08-12-2018 இன்றைய சிறப்பு படங்கள்

  • roborestchina

    சீனாவில் வாடிக்கையாளர்களை ஈர்க்கும் நவீன ரோபோ ரெஸ்டாரண்ட்!

  • KungFuBullFighting

    குங்ஃபூ கலையை பயன்படுத்தி காளை மாடுகளை அடக்கும் புதிய யுக்தி..: சீன வீரர்கள் அசத்தல்

படங்கள் வீடியோ கல்வி சினிமா ஜோ‌திட‌ம்