கரூர், செப். 11: கரூரில் நடைபெற்ற யோகாசன போட்டிகளில் ஏராளமானோர் கலந்து கொண்டனர்.கரூர் மாவட்ட யோகா விளையாட்டு சாம்பியன்ஷிப் போட்டிகள் நேற்று நடைபெற்றது. பள்ளி, கல்லூரி மாணவ, மாணவியர், பெரியவர்கள், பெண்கள் போட்டிகளில் கலந்து கொண்டனர். மாவட்ட அளவிலான சேம்பியன்ஷிப் போட்டிகளில் எல்கேஜி, யூகேஜி, 5 வயதுக்குகீழ், 6, 7, 8, 9, 10, 11, 12, 13, 14, 15, 16 வயது தனிப்பிரிவு, 17 முதல் 20 வயது வரை, 21 முதல் 25 வயது வரை, 26 முதல் 35 வயது வரை, 35 வயது அதற்கு மேல் என பல்வேறு பிரிவுகளில் போட்டிகள் நடைபெற்றன. மாநில அணி தேர்வு போட்டிகளும் நடைபெற்றன. மாவட்ட மாநில அளவில் வெற்றிபெற்ற போட்டியாளர்களுக்கு புதுடெல்லியில் வரும் நவம்பர் 4ம் தேதி முதல் 7ம் தேதி வரை நடைபெறும் நேஷனல் யோகா ஸ்போர்ட்சில் கலந்து கொள்ள வாய்ப்பு வழங்கப்படும் என தெரிவிக்கப்பட்டது. போட்டிகளை சிவயோகி சிவஷண்முகம் குருஜி தலைமையில் நிர்வாகிகள் நடத்தினர்.