SUN குழுமத்திலிருந்து வெளிவரும் காலை நாளிதழ்

ஆன்லைன் வர்த்தகத்தை முற்றிலும் தடை செய்யக்கோரி போராட்டம் கரூர் மருந்து வணிகர்கள் நலச்சங்க பொதுக்குழுவில் முடிவு

9/11/2018 12:45:36 AM

கரூர், செப். 11: ஆன் லைன் மருந்து வணிகத்தை முற்றிலுமாக தடை செய்யக்கோரி பல்வேறு போராட்டங்களை நடத்த வணிகர்கள் நலச்சங்கம் முடிவு செய்துள்ளது.கரூர் மாவட்ட மருந்து வணிகர்கள் நலச்சங்கத்தின் பொதுக்குழு கூட்ம் நேற்று கரூரில் நடைபெற்றது. மாவட்ட தலைவர் அபுதாகிர் தலைமை வகித்தார். மாநில அமைப்பு செயலாளர் அன்பழகன், மாநில செயலாளரும், அகில இந்திய மருந்து வணிகர் சங்கத்தின் பொருளாளருமான செல்வன் சிறப்பு விருந்தினராக பங்கேற்றகர். நிர்வாகிகள் ஜெயகுமார், பாலமுருகன், தமிழச்செம்மல், மேலை பழனியப்பன் பேசினர். புதிய தலைவராக விமலா திருஞானம், ஜெயக்குமார், பாலு, நடராஜா வள்ளியப்பன், சேகர், முத்துசாமி, ரவி, ஜெய்னுலாபுதீன் உளளிட்டோர் தேர்வு செய்யப்பட்டனர்.

பின்னர் மாநில செயலாளரும், அகில அந்திய மருந்து வணிகர் சங்க பொருளாளருமான செல்வன் நிருபர்களிடம் கூறியது:உலகில் உள்ள எல்லா வணிகங்களும் ஒரு ஆண்டு அதிகமாகும் மற்றொரு ஆண்டு குறையும். ஆனால் மருந்து வணிகம் மட்டுமே ஒவ்வொரு ஆண்டும் 7 முதல் 10 சதவீதம் கூடுகிற வணிகம். ஆன்லைன் மருந்து வணிகத்தை ஏன் எதிர்க்கிறோம் என்றால் அதன் மூலம் தூ க்க மாத்திரை, கருக்கலைப்பு, ஆண்மை ஊக்கி, மாத்திரை கட்டுப்பாடின்றி விற்கப்பட்டு நம் பண்பாடு கலாச்சாரம், சீரழியும் என்பதால்தான். அரசின் சட்டதிட்ட விதிமுறைகளைப் பின்பற்றி மருந்து வணிகம் செய்கிறோம். வணிகம் நிலைக்க தேவையற்ற புதிய கட்டுப்பாடுகளை விதிக்காமல் அரசும் துறைகளும் துணை புரிய வேண்டும் விரைவில் திருச்சியில் மண்டபம் கட்டப்பட உள்ளது என்றார்.

கூட்டத்தில் நிறைவேற்றப்பட்ட தீர்மானங்கள்:ஆன்லைன் மருந்து வணிகத்தை முற்றிலுமாக தடை செய்யக்கோரியும், பெட்ரோல், டீசல் விலை உயர்வினை கண்டித்தும், வரும் 20ம் தேதி முதல் மருந்து வணிகர்கள் கருப்பு பட்டை அணிந்து முதற்கட்டமாக எதிர்ப்பு தெரிவிப்பது. 28ம் தேதி முழுமையான கடையடைப்பு செய்வது, மருந்துக்கடைகளில் மருந்து கட்டுப்பாட்டுத்துறையின் அறிவுரையின்படி இனிமேல் ரத்த சோதனை மூலம் ரத்தத்தில் சர்க்கரை அளவு போன்றவற்றை பார்ப்பதில்லை. டிபி காசநோய் சம்பந்தமான மருந்துகள், ஆக்சிடோசி போன்ற ஊசிகள், கருக்கலைப்பு மாத்திரைகள், மருத்துவரின் பரிந்துரையின்றி விற்பதில்லை என தீர்மானிக்கப்பட்டது.மருந்து தயாரிப்பாளர்கள் மற்றும் அரசுடன் இணைக்கமான பேச்சுவார்த்தை நடத்தி மருந்து வணிகர்களுக்குள்ள இடையூறுகளை நீக்க பாடுபடுவது என்பது போன்ற தீர்மானங்கள் நிறைவேற்றப்பட்டன.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

படங்கள் வீடியோ கல்வி சினிமா ஜோ‌திட‌ம்