SUN குழுமத்திலிருந்து வெளிவரும் காலை நாளிதழ்

குடியிருப்பு பகுதியில் செல்போன் கோபுரம் அமைக்க எதிர்ப்பு: பொதுமக்கள் ஆர்ப்பாட்டம்

9/11/2018 12:30:21 AM

ஆவடி, செப். 11: ஆவடி அருகே குடியிருப்பு பகுதியில் செல்போன் கோபுரம் அமைக்க எதிர்ப்பு தெரிவித்து பொதுமக்கள் ஆர்ப்பாட்டத்தில் ஈடுபட்டனர். ஆவடி அடுத்த அயப்பாக்கம் எழில் நகர் 4வது தெருவில் காலிமனை ஒன்று உள்ளது. இங்கு, தனியார் நிறுவனம் சார்பில் செல்போன் கோபுரம் அமைக்கும் பணி கடந்த சில நாட்களாக நடந்து வருகிறது. இதற்கு சுற்றுப்பகுதி மக்கள் கடும் எதிர்ப்பு தெரிவித்து வந்தனர். மேலும், இதுகுறித்து திருமுல்லைவாயல் காவல் நிலையத்தில் புகார் அளித்தனர். அதில், குடியிருப்பு பகுதியில் செல்போன் கோபுரம் அமைத்தால், கதிர்வீச்சு பாதிப்பால் பல்வேறு நோய்கள் ஏற்படும். இதனால், குழந்தைகள், நோயாளிகள் அதிகளவில் பாதிக்கப்படுவர். எனவே, இந்த செல்போன் கோபுரம் அமைக்கும் பணியை தடுத்து நிறுத்த வேண்டும் என தெரவிக்கப்பட்டிருந்தது.  

ஆனாலும், பணிகள் தொடர்ந்து நடைபெற்று வந்தது. இதை கண்டித்து, நேற்று காலை பொதுமக்கள் நூற்றுக்கும் மேற்பட்டோர், செல்போன் கோபுரம் அமைக்கும் இடத்தில் திரண்டு ஆர்ப்பாட்டத்தில் ஈடுபட்டனர்.
தகவலறிந்து திருமுல்லைவாயல் போலீசார் சம்பவ இடத்துக்கு வந்து, போராட்டத்தில் ஈடுபட்ட பொதுமக்களிடம் சமரச பேச்சுவார்த்தை நடத்தினர். அப்போது, செல்போன் கோபுரம் அமைக்கும் பணியை நிறுத்தும் வரை போராட்டம் தொடரும், என பொதுமக்கள் திட்டவட்டமாக கூறினர். இதையடுத்து, சம்பந்தப்பட்டவர்களிடம் பேசி உரிய நடவடிக்கை எடுக்கப்படும், என போலீசார் உறுதியளித்தனர். இதையேற்று பொதுமக்கள் கலைந்து சென்றனர். இச்சம்பவத்தால், அப்பகுதியில் சிறிது நேரம் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • BiharProtestBrainFever

    பீகாரில் மூளைக்காய்ச்சல் காரணமாக தொடரும் குழந்தைகளின் உயிர்பலி: அரசுக்கு எதிராக போராட்டத்தில் குதித்த மக்கள்- புகைப்படங்கள்

  • YamagataEarthQuake18

    வடமேற்கு ஜப்பானை உலுக்கிய சக்திவாய்ந்த நிலநடுக்கம்..: ரிக்டர் அளவுக்கோலில் 6.8 ஆக பதிவானதால் மக்கள் பீதி!

  • RaptorsShootingToronto

    கனடாவில் லட்சக்கணக்கானோர் கூடியிருந்த கொண்டாட்ட நிகழ்ச்சியில் திடீரென நடைபெற்ற துப்பாக்கிச்சூடு..: 4 பேர் காயம்!

  • 19-06-2019

    19-06-2019 இன்றைய சிறப்பு படங்கள்

  • bji

    முன்னாள் சுகாதார அமைச்சர் ஜே.பி.நட்டாவை பாஜக செயல் தலைவராக அமைச்சர் ராஜ்நாத் சிங் அறிவிப்பு

படங்கள் வீடியோ கல்வி சினிமா ஜோ‌திட‌ம்