SUN குழுமத்திலிருந்து வெளிவரும் காலை நாளிதழ்

அம்மன் கோயில் தீமிதி விழா

9/11/2018 12:30:14 AM

கும்மிடிப்பூண்டி, செப். 11: கும்மிடிப்பூண்டி அடுத்த சின்ன வழுதலம்பேடு ஊராட்சியில் உள்ள துலுக்காணத்தம்மன் கோயில் 7ம் ஆண்டு தீமிதி திருவிழா நேற்று முன்தினம்  நடைபெற்றது. முன்னதாக, கடந்த வெள்ளிக்கிழமை தீ மிதிக்கும் பக்தர்களுக்கு காப்பு கட்டும் நிகழ்ச்சி நடைபெற்றது. மறுநாள் பால் குடம் எடுத்தல், அம்மன் கரகம் ஊர்வலம் மற்றும் சிறப்பு பூஜைகள் நடத்தப்பட்டது. தொடர்ந்து, வழுதலம்பேடு கிராமத்தில் வசிக்கும் அனைத்து வீடுகளிலும் கூழ் வார்த்தல், அம்மன் சன்னிதியில் வடை பொங்கல் வைத்தல் உள்ளிட்ட பல்வேறு நிகழ்ச்சிகள் நடந்தது. காப்பு கட்டிய 150 பக்தர்கள், நேற்று முன்தினம் மாலை வேப்பிலை ஆடை அணிந்து, நாக்கில் வேல் தரித்து கோயிலை சுற்றி வலம் வந்து, தீக்குழியில் இறங்கி நேர்த்திக்கடன் செலுத்தினர்.

இதில், சுற்றுவட்டார கிராமங்களை சேர்ந்த 2 ஆயிரத்துக்கும் மேற்பட்ட மக்கள் கலந்து கொண்டனர். இதையடுத்து, அம்மன் திருவீதியுலா வந்து பக்தர்களுக்கு அருள்பாலித்தார். நிகழ்ச்சி ஏற்பாடுகளை கும்மிடிப்பூண்டி ஒன்றிய அதிமுக அவைத் தலைவர் கிருஷ்ணன், கிராம நிர்வாகிகள் சீனிவாசன், சுப்பிரமணி, சுகு, முரளி, கோபால், ஒபசமுத்திரம் முன்னாள் தலைவர் காளத்தி மற்றும் பெரிய வழுதலம்பேடு, ஓபசமுத்திரம், எளாவூர், ராஜபாளையம் கிராம பெரியவர்கள் மற்றும் பொதுமக்கள் சிறப்பாக செய்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

  • sriramayanatrain

    புறப்பட்டது ஸ்ரீ ராமாயண எக்ஸ்பிரஸ் : புண்ணிய தலங்களில் 16 நாட்கள் சுற்றுலாப் பயணம்

படங்கள் வீடியோ கல்வி சினிமா ஜோ‌திட‌ம்