SUN குழுமத்திலிருந்து வெளிவரும் காலை நாளிதழ்

ஏரியில் மூழ்கிய 2 சிறுவர்கள் சடலமாக மீட்பு

9/11/2018 12:29:16 AM

சென்னை, செப். 11: பெரும்புதூர் ஏரியில் மூழ்கி மாயமான 2 சிறுவர்களை, பேரிடர் மீட்பு படையினர், சடலமாக மீட்டனர். பெரும்புதூர் அருகே மாம்பாக்கம், பெருமாள் கோயில் தெருவை சேர்ந்தவர் கோபாலகிருஷ்ணன். விவசாயி. இவரது மகன் மோகேஷ் (16). பெரும்புதூரில் உள்ள ஒரு தனியார் பள்ளியில் 11ம் வகுப்பு படித்து வந்தான். இதே பள்ளியில் அகரம் கிராமத்தை சேர்ந்த ஜெகத்செல்வன் (16) என்ற மாணவனும் படித்து வந்தான். இந்நிலையில், சிறுவர்கள் 2 பேர், பெரும்புதூர் அடுத்த நெமிலி கிராமத்தில் நேற்றுமுன்தினம் நண்பர்களுடன் கிரிக்கெட் விளையாடினர். பின்னர் காரந்தாங்கல் ஏரியில் குளிக்க சென்றனர். பின்னர் நீண்ட நேரமாகியும் அவர்கள் கரைக்கு வரவில்லை. இதனால் சந்தேகமடைந்த நண்பர்கள், இதுகுறித்து 2 மாணவர்களின் பெற்றோருக்கும் தகவல் தெரிவித்தனர்.

இதையடுத்து பெற்றோரும், பெரும்புதூர் போலீசாரும் சம்பவ இடத்துக்கு சென்று, தண்ணீரில் மூழ்கிய சிறுவர்களை தேடினர். ஆனால், கிடைக்கவில்லை. இதைதொடர்ந்து பெரும்புதூர், இருங்காட்டுகோட்டை ஆகிய தீயணைப்பு நிலையங்களில் இருந்து மீட்பு படையினர்வந்து ஏரியில் தேடினர். ஆனால் மாணவர்கள் கிடைக்கவில்லை. இந்தநிலையில், நேற்று மதியம் தேசிய பேரிடர் மீட்பு குழுவினர், ஏரியில் மூழ்கி மாயமான  சிறுவர்கள் 2 பேரையும் சடலமாக மீட்டனர். பின்னர் போலீசார், சடலங்களை கைப்பற்றி பெரும்புதூர் அரசு மருத்துவமனைக்கு அனுப்பினர். மேலும் போலீசார் வழக்குப்பதிவு செய்து விசாரிக்கின்றனர்.


தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 19-01-2019

    19-01-2019 இன்றைய சிறப்பு படங்கள்

  • ChillaiKalanKashmir

    கடுமையான பனிப்பொழிவால் வெண் நிற ஆடை போர்த்தியது போல் காட்சியளிக்கும் காஷ்மீர்: கண்களை குளிர்விக்கும் புகைப்படங்கள்

  • bombblastcolombia

    கொலம்பியாவில் கார் வெடிகுண்டு வெடித்து விபத்து: 9 பேர் உயிரிழந்த பரிதாபம்!

  • chinafiredrone

    மின்கம்பிகளில் தொங்கும் குப்பைகளை அழிக்க தீயை உமிழும் ட்ரோன் சீனாவில் கண்டுபிடிப்பு!

  • horse_apain12

    விலங்குகளை சுத்தப்படுத்தும் திருவிழா : நெருப்புக்குள் குதிரைகளை செலுத்தும் ஸ்பெயின் மக்கள்

படங்கள் வீடியோ கல்வி சினிமா ஜோ‌திட‌ம்