SUN குழுமத்திலிருந்து வெளிவரும் காலை நாளிதழ்

ஜேம்ஸ் இன்ஜி.கல்லூரி பட்டமளிப்பு விழா மாணவர்கள் வெற்றி பெறும்வரை நம்பிக்கை, முயற்சியை கைவிடக்கூடாது பாஸ்கரன் ஐ.ஏ.எஸ் அறிவுரை

9/11/2018 12:18:54 AM

குளச்சல், செப்.11:  நாகர்கோவில் அருகே நாவல்காடு ஜேம்ஸ் பொறியியல் கல்லூரியில் 7 வது பட்டமளிப்பு விழா கல்லூரி தலைவர் ஜேம்ஸ் பிரேம்குமார் தலைமையில் நடந்தது. பேராசிரியர் ஜெய பாலாஜி வரவேற்று பேசினார். ரெபாக்கா ஜேம்ஸ் பிரேம்குமார் சிறப்பு விருந்தினரை அறிமுகப்படுத்தி பேசினார்.  தமிழக ஊரக வளர்ச்சி துறை இயக்குனர் பாஸ்கரன் ஐ.ஏ.எஸ் சிறப்பு விருந்தினராக கலந்து கொண்டு மாணவ,மாணவிகளுக்கு பட்டம் வழங்கினார். அப்போது அவர் பேசியதாவது,மாணவர்கள் கலந்துரையாடும்போது எதிர்க்கால வாழ்க்கைக்கு உயர் கல்வி குறித்து கருத்துக்களை பரிமாற வேண்டும். இப்படித்தான் எனக்கு ஐ.ஏ.எஸ்.படிக்க ஆசை வந்தது. முதலில் எனக்கு வழிகாட்டி இல்லை. பின்னர் எனது ஆசிரியர்தான் வழி காட்டினார்.

நாம் வாழ்க்கையில் முன்னேற நல்ல வழிகாட்டி தேவை. அதுபோல் உங்கள் முன்னேற்றத்திற்கு உங்கள் வழிகாட்டியை கண்டுபிடியுங்கள். உங்கள் திறமை எதில் இருக்கிறதோ அதில் நீங்கள் கவனம் செலுத்த வேண்டும். உங்கள் திறமையை வெளியே கொண்டு வர நல்ல நண்பன் தேவை. படிப்புடன் நல்ல விஷயங்களையும் கற்று கொள்ள வேண்டும். நல்ல வேலையில் சேர்ந்து கை நிறைய சம்பளம் வாங்குவதுடன் நின்று விடாமல் சமூக அக்கறையுடன் வாழ வேண்டும். இப்போது நீங்கள் பொறியாளர்  தகுதியை  பெற்றுள்ளீர்கள். திறமைக்கு வேலை கிடைக்க வேண்டும். ஒரே முயற்சியில் வெற்றி கிடைக்காது. வெற்றி பெறும்வரை நம்பிக்கை, முயற்சியை கைவிட கூடாது. வேலை கிடைக்கும்வரை திறமையை வளர்த்து கொண்டேயிருங்கள். வாழ்க்கையில் எந்த நிலையை அடைந்தாலும் உங்கள் பெற்றோரை கடைசிவரை உங்களுடனே வைத்து கொள்ளுங்கள். எதை செய்தாலும் திருப்தியுடன் செய்யுங்கள். வெற்றி நிச்சயம். இவ்வாறு அவர் பேசினார்.

மேலும் செய்திகள்

Like Us on Facebook Dinkaran Daily News
  • BiharProtestBrainFever

    பீகாரில் மூளைக்காய்ச்சல் காரணமாக தொடரும் குழந்தைகளின் உயிர்பலி: அரசுக்கு எதிராக போராட்டத்தில் குதித்த மக்கள்- புகைப்படங்கள்

  • YamagataEarthQuake18

    வடமேற்கு ஜப்பானை உலுக்கிய சக்திவாய்ந்த நிலநடுக்கம்..: ரிக்டர் அளவுக்கோலில் 6.8 ஆக பதிவானதால் மக்கள் பீதி!

  • RaptorsShootingToronto

    கனடாவில் லட்சக்கணக்கானோர் கூடியிருந்த கொண்டாட்ட நிகழ்ச்சியில் திடீரென நடைபெற்ற துப்பாக்கிச்சூடு..: 4 பேர் காயம்!

  • 19-06-2019

    19-06-2019 இன்றைய சிறப்பு படங்கள்

  • bji

    முன்னாள் சுகாதார அமைச்சர் ஜே.பி.நட்டாவை பாஜக செயல் தலைவராக அமைச்சர் ராஜ்நாத் சிங் அறிவிப்பு

படங்கள் வீடியோ கல்வி சினிமா ஜோ‌திட‌ம்