SUN குழுமத்திலிருந்து வெளிவரும் காலை நாளிதழ்

ஓய்வு போலீசாரின் வாரிசுகளுக்கு கருணை அடிப்படையில் வேலை சங்கத்தினர் வலியுறுத்தல்

9/9/2018 1:09:21 AM

மன்னார்குடி, செப்.9: ஓய்வு பெற்ற போலீசாரின் வாரிசுகளுக்கு கருணை அடிப்படையில் வேலை  வழங்க தமிழக அரசு கொள்கை முடிவு எடுத்து அமல்படுத்த வேண்டும் என ஓய்வு காவலர்கள் நலச்சங்க கூட்டத்தில் வலியுறுத்தப்பட்டது.மன்னார்குடியில் ஓய்வு பெற்ற காவலர்கள் நலசங்கத்தின் ஆலோசனை கூட்டம் நேற்று நடந்தது. சங்கத்தின் மாவட்ட துணைச் செயலாளர் ராஜரத்தினம் தலைமை வகித்தார். திருவாரூர் மாவட்ட செயலாளர் பாலகிருஷ்ணன் முன்னிலை வகித்தார். வட்ட தலைவர் நடராஜன் வரவேற்றார். கூட்டத்தில் காவல்துறையில் பணியாற்றி ஓய்வு பெற்ற காவலர்களின் வாரிசுகளுக்கு அரசு வேலை வாய்ப்பில் முன்னுரிமை அளிக்க வேண்டும்.

பணியில் இருக்கும்போது மரணமடையும் காவலர்களின்  வாரிசுகளுக்கு கருணை அடிப்படையில் அரசு வேலை வழங்க  வேண்டும். இவற்றை  தமிழக அரசு கொள்கை முடிவாக எடுத்து அமல்படுத்த வேண்டும். அனைத்து அரசு ஊழியர்களுக்கு உள்ளது போல் ஓய்வு பெற்ற காவலர்களுக்கும்  மருத்துவ காப்பீடு திட்டத்தில்  எல்லாவித நோய்களுக்கும் அனைத்து மருத்துவமனைகளிலும் சிகிச்சை பெற அரசு  நடவடிக்கை எடுக்க வேண்டும். 60 வயது நிரம்பிய  ஓய்வு பெற்ற காவலர்களுக்கு தமிழக அரசு இலவச பஸ் பாஸ் வழங்க வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன. சங்கத்தின் கிளை செயலாளர் குமாரசாமி நன்றி கூறினார்.


மேலும் செய்திகள்

Like Us on Facebook Dinkaran Daily News
  • malar_modi12

    2வது முறையாக பிரதமராகும் நரேந்திர மோடி ; கட்சித் தலைவர்கள் மோடிக்கு மலர் கொத்துக்களுடன் வாழ்த்து

  • peruearthqq1

    பெரு நாட்டில் சக்தி வாய்ந்த நிலநடுக்கம் : ரிக்டர் அளவுகோலில் சுமார் 8 ஆக பதிவு

  • Trump_japan11

    அமெரிக்க அதிபர் ட்ரம்ப் ஜப்பான் பயணம் : ஜப்பான் பிரதமருடன் கோல்ஃப் விளையாடி அசத்தல்

  • kashmir_kola11

    தீவிரவாதி ஜாகீர் முசா கொல்லப்பட்டதன் எதிரொலி : காஷ்மீரில் வன்முறை வெடிப்பு; ஊரடங்கு உத்தரவு அமல்

  • 20aacident_died11

    சூரத்தில் கல்வி பயிற்சி மையத்தில் பயங்கர தீ விபத்து: 20 பேர் பரிதாப பலி

படங்கள் வீடியோ கல்வி சினிமா ஜோ‌திட‌ம்