SUN குழுமத்திலிருந்து வெளிவரும் காலை நாளிதழ்

பள்ளியில் வானவியல் விழிப்புணர்வு கருத்தரங்கம்

9/9/2018 1:09:14 AM

மன்னார்குடி,செப்.9: மன்னார்குடி தேசிய மேல்நிலைப்பள்ளியில் வானவியல் பற்றிய மேற்படிப்புகள் மற்றும் வேலை வாய்ப்புகள் குறித்து விழிப்புணர்வு மற்றும் வானவியல் தொலைநோக்கி கண்காட்சி மற்றும் கருத்தரங்கம் நடைபெற்றது.  நிகழ்ச்சிக்கு பள்ளி தலைமையாசிரியர் ராதாகிருஷ்ணன் தலைமை வகித்தார். இந்திய வானவியல் கழகத்தின் வான் இயற்பியல் துறையின் ஓய்வு பெற்ற தொழிற்நுட்ப நிபுணர் புகழேந்தி, ஆல்பா பவுண்டேசன் நிர்வாக இயக்குனர் பிரவீன் ஆகியோர் சிறப்பு விருந்தினராக பங்கேற்றனர். ஓய்வு தலைமையாசிரியர் சேதுராமன் முன்னிலை வகித்தார். முதுகலை இயற்பியல் ஆசிரியர் அன்பரசு நிகழ்ச்சியை ஒருங்கிணைத்தார்.

 ஒரு அங்குல, 2 மற்றும் 6 அங்குல தொலைநோக்கிகள் பார்வைக்கு வைக்கப்பட்டிருந்தன. சூரியனின் மேற்பரப்பு புகைப்படங்கள், சூரிய புள்ளிகள் விளக்கம், சூரிய குடும்பம், கோள்களின் சுழற்சி, எரிட்டோ தினஸ், கலிலியோ மற்றும் கோபர் நிகஸ் ஆகியோரின் கண்டுபிடிப்புகள், நட்சத்திரங்களின் பிறப்பு, இறப்பு குறித்த விளக்கம் ஆகியவை கண்காட்சியில் இடம் பெற்றிருந்தன. அண்டம் தோற்ற கொள்கை, வின் கற்களின் மோதல், வால் நட்சத்திரம் போன்றவை குறித்த குறும்படங்கள் மாணவர்களுக்கு திரையிட்டு காட்டப்பட்டது.   நிகழ்ச்சியில் வானவியல் குறித்த பட்டம், பட்ட மேற்படிப்புகள், பட்டய படிப்புகள் வழங்கும் நிறுவனங்கள் மற்றும் வேலை வாய்ப்புகள்  தொடர்பாக மாணவர்களுக்கு விளக்கப்பட்டது. கருத்தரங்கில் 10, 12ம் வகுப்பு மாணவர்கள் ஏராளமானோர் பங்கேற்று பயனடைந்தனர்.


மேலும் செய்திகள்

Like Us on Facebook Dinkaran Daily News
  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

  • 25-06-2019

    25-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்