SUN குழுமத்திலிருந்து வெளிவரும் காலை நாளிதழ்

மரங்கன்றுகள் வழங்கும் விழா 100 நாள் வேலையில் பாரபட்சம்

9/7/2018 5:25:24 AM

சிவகாசி, செப். 7: 100 நாள் வேலை வழங்குவதில் பாரபட்சம் காட்டும் ஊராட்சி நிர்வாகத்தை கண்டித்து சிவகாசி யூனியன் அலுவலகத்தில் கிராம மக்கள் உள்ளிருப்பு போராட்டம் நடத்தியதால் பரபரப்பு ஏற்பட்டது. விருதுநகர் மாவட்டம், சிவகாசி அருகே உள்ள வெள்ளையாபுரம் ஊராட்சியில் 100 நாள் வேலை வாய்ப்பு திட்டத்தில் பணிகள் நடைபெற்று வருகிறது. இதில் சுமார் 200க்கும் மேற்பட்ட பெண்களுக்கு சுழற்சி முறையில் வேலை வாய்ப்பு கொடுக்கப்பட்டுள்ளது. தற்போது வெள்ளையாபுரம் கண்மாய், நீர்வரத்து பகுதியில் பணிகள் நடைபெற்று வருகிறது. இந்த 100 நாள் வேலை வாய்ப்பு திட்டத்தில் வேலை வழங்குவதில் ஊராட்சி நிர்வாகம் பாரபட்சம் காட்டுவதாக கூறி சிவகாசி யூனியன் அலுவலகத்தை வெள்ளையாபுரம் பெண்கள் உள்ளிருப்பு போராட்டம் நடத்தியதால் பரபரப்பு ஏற்பட்டது. அதிகாரிகளின் பேச்சுவார்த்தையை தொடர்ந்து அனைவரும் கலைந்து சென்றனர்.

பாதிக்கப்பட்ட பெண்கள் கூறும்போது, ஊராட்சி செயலாளரின் உறவினர்களுக்கு மட்டும் முக்கியத்துவம் கொடுத்து பணிகள் வழங்கப்படுகிறது. இதுகுறித்து இன்று(நேற்று) வேலைக்கு சென்ற இடத்தில் நாங்கள் தட்டிக்கேட்டோம். இதனால் யாருக்கும் வேலையில்லை என்று கூறி அனைவரையும் வீட்டிற்கு அனுப்பி விட்டனர். ஏமாற்றமடைந்த நாங்கள் இங்கு வந்துள்ளோம். வேலை வாய்ப்பு திட்டம் என்பது அனைவருக்கும் பொதுவானது தான். எனவே பாரபட்சமின்றி எங்களுக்கு வேலை வழங்க வேண்டும் என்று தெரிவித்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 22-01-2019

    22-01-2019 இன்றைய சிறப்பு படங்கள்

  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

படங்கள் வீடியோ கல்வி சினிமா ஜோ‌திட‌ம்