SUN குழுமத்திலிருந்து வெளிவரும் காலை நாளிதழ்

கூட்டுறவு வங்கி தேர்தலில் முறைகேடு : தமிழக முதல்வருக்கு மனு

9/7/2018 12:11:22 AM

ஆம்பூர், செப்.7: ஆம்பூர் அருகே கூட்டுறவு வங்கி தேர்தலில் முறைகேடு நடந்ததாகவும், இதுகுறித்து உடனடியாக நடவடிக்கை எடுக்க வலியுறுத்தியும் தமிழக முதல்வரின் தனி பிரிவிற்கு கோரிக்கை மனு அனுப்பப்பட்டுள்ளது. வேலூர் மாவட்டம் ஆம்பூர் அடுத்த விண்ணமங்கலத்தில் தொடக்க வேளாண்மை கூட்டுறவு கடன் சங்கம் இயங்கி வருகிறது. இந்த கடன் சங்கத்தில் சுமார் ஆயிரத்திற்கும் மேற்பட்டோர் உறுப்பினர்களாக உள்ளனர். இந்த கூட்டுறவு வங்கி இயக்குனர்களுக்கான தேர்தல் கடந்த சில தினங்களுக்கு முன்பு நடந்தது. இதில் வாக்காளர்கள் ஓட்டு போட்டதற்கான அடையாளம் வைக்கப்படவில்லை. இதனால் ஒரு சிலர் தொடர்ந்து கள்ள ஓட்டுகளை போட்டதாகவும், இறந்தவர்களின் பெயரில் ஒரு சிலர் ஓட்டுப்போட்டதாகவும் கூறப்படுகிறது. இந்த முறைகேடு குறித்து விசாரணை நடத்தக்கோரி கூட்டுறவு கடன் சங்க உறுப்பினர்கள் சிலர் தமிழக முதல்வரின் தனி பிரிவில் புகார் மனு அளித்துள்ளனர்.மேலும் இந்த வங்கியின் தேர்தல் அலுவலர்களிடம், இதுகுறித்து முறையிட்டபோதும் எந்தவித நடவடிக்கையும் எடுக்கப்படவில்லையாம். எனவே தேர்தல் முடிவுகளை நிறுத்தி வைக்க சம்பந்தப்பட்ட கூட்டுறவு சங்க ஆணைய தேர்தல் அலுவலர் நடவடிக்கை எடுக்க வேண்டும் உறுப்பினர்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 20-09-2019

    20-09-2019 இன்றைய சிறப்பு படங்கள்

  • motor_strike1

    புதிய மோட்டார் வாகன சட்டத்திற்கு எதிராக ஸ்டிரைக் : டெல்லியில் ஆட்டோ, வாடகை கார் இயங்கவில்லை; மக்கள் சிரமம்

  • jellifish_shapee1

    உருவத்தை மாற்றும் வினோத ஜெல்லி மீன் : பசிபிக் பெருங்கடலில் கண்டுபிடிப்பு

  • malar_palam11

    கர்நாடகாவின் குல்பர்கா நகரில் நடைபெற்ற பழம் மற்றும் மலர் கண்காட்சியின் கண்கவர் படங்கள்

  • banglore_fire11

    பெங்களூரு யூக்கோ வங்கியில் பயங்கர தீ விபத்து : வங்கிக்குள் இருந்தவர்கள், மாடியின் ஜன்னல் வழியாக கீழிறங்கி தப்பித்தனர்

படங்கள் வீடியோ கல்வி சினிமா ஜோ‌திட‌ம்