SUN குழுமத்திலிருந்து வெளிவரும் காலை நாளிதழ்

தண்டராம்பட்டு அருகே வேளாண் கல்லூரியில் பாலியல் புகார் கூறிய மாணவிக்கு வகுப்பு நடத்த பேராசிரியை மறுப்பு மாணவர்களும் வகுப்பை விட்டு வெளியேறியதால் பரபரப்பு

9/5/2018 12:14:32 AM

தண்டராம்பட்டு, செப்.5: தண்டராம்பட்டு அருகே வேளாண் கல்லூரியில் உதவி பேராசிரியர் மீது பாலியல் புகார் தெரிவித்த மாணவிக்கு பேராசிரியை பாடம் நடத்த மறுத்துள்ளார். அதோடு மாணவர்களும் வகுப்பை விட்டு வெளியேறிய சம்பவம் பரபரப்பை ஏற்படுத்தி உள்ளது.திருவண்ணாமலை மாவட்டம், தண்டராம்பட்டு தாலுகா வாழவச்சனூர் அரசு வேளாண் கல்லூரியில் படிக்கும் சென்னையை சேர்ந்த 21 வயது மாணவிக்கு பாலியல் தொல்லை கொடுத்த உதவி பேராசிரியர் தங்கபாண்டியன் சஸ்பெண்ட் செய்யப்பட்டுள்ளார். கோவை வேளாண் பல்கலைக்கழகம் உத்தரவுப்படி பல்கலைக்கழக இயக்குநர் டாக்டர் சாந்தி தலைமையில் 5 பேர் கொண்ட விசாரணை குழுவினர் நேற்று முன்தினம் வாழவச்சனூர் அரசு வேளாண் கல்லூரியில் மதியம் 1 மணி முதல் மாலை 5 மணி வரை விசாரணை நடத்தினர். அப்போது மாணவி பல்வேறு ஆதாரங்களை விசாரணை குழுவிடம் வழங்கியதாக கூறப்படுகிறது.

அதைத்தொடர்ந்து பாதிக்கப்பட்ட மாணவி கூறுகையில், விசாரணை குழுவினர் என்னிடம் விசாரணை நடத்தினர். அப்போது ஆதாரங்களை கொடுத்தேன். மேலும் ரகசிய ஆதாரங்கள் என்னிடம் உள்ளது. ெதாடர் விசாரணையின்போது அவற்றை வழங்குவேன் என்றார்.இந்நிலையில் பாலியல் தொல்லையால் பாதிக்கப்பட்ட மாணவி நேற்று காலை 7.30 மணிக்கு வழக்கம்போல் வகுப்புக்கு வந்தார். அப்போது வகுப்புக்கு வந்த பேராசிரியை, மாணவியை பார்த்தவுடன் பாடம் நடத்தாமல் வகுப்பைவிட்டு வெளியேறினார். இதனால் வகுப்பில் இருந்த 60க்கும் மேற்பட்ட மாணவ, மாணவிகளும் வகுப்பை விட்டு வெளியேறி பேராசிரியையுடன் சென்றனர்.இதுகுறித்து மாணவி, கம்யூனிஸ்ட் கட்சியின் ஒன்றிய செயலாளர் அண்ணாமலைக்கு தகவல் தெரிவித்தார். அண்ணாமலை மற்றும் கிராம மக்கள் ஒன்றிணைந்து, பாடம் எடுக்க மறுத்த பேராசிரியைக்கு எதிராக மறியலில் ஈடுபட முயன்றனர். இதனால் அங்கு பரபரப்பு ஏற்பட்டது.தகவலறிந்த வானாபுரம் போலீசார் சம்பவ இடத்திற்கு சென்று இருதரப்பினரிடம் பேச்சுவார்த்தை நடத்தினர். அப்போது வகுப்பு நடத்த பேராசிரியை பாடம் நடத்த சம்மதித்ததால், மறியல் முயற்சியை கைவிட்டனர். இதைதொடர்ந்து மாணவ, மாணவிகள் வகுப்புக்கு சென்றனர். தொடர்ந்து வழக்கம்போல் வகுப்புகள் நடந்தது.


தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • colombiacarfestival

    கொலம்பியாவில் 29வது கார் திருவிழா : தானியங்கி வாகங்களில் மக்கள் உற்சாகத்துடன் பங்கேற்பு

  • vietnamramnathgovind

    வியட்நாமில் தேசிய சபை தலைவர் நிகுயென் தி கிம் நிகானுடன் ஜனாதிபதி ராம்நாத் கோவிந்த் சந்திப்பு

  • modihariyana

    அரியானாவில் எக்ஸ்பிரஸ் சாலை மற்றும் மெட்ரோ ரயில் போக்குவரத்தை தொடங்கி வைத்தார் மோடி

  • kajadeltarelief

    கஜா புயலால் டெல்டா பகுதி மக்கள் கடும் பாதிப்பு : நிவாரணம் கோரி அதிகாரிகளுடன் வாக்குவாதம்

  • 20-11-2018

    20-11-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்