SUN குழுமத்திலிருந்து வெளிவரும் காலை நாளிதழ்

ஆம்புலன்ஸ் டிரைவர் கொலை வழக்கில் 6 பேர் கைது

8/17/2018 4:52:51 AM

சென்னை: அரும்பாக்கம் அசோக் நகரை சேர்ந்தவர் ஆதி (எ) ஆதித்தியன் (21),  ஆம்புலன்ஸ் டிரைவர். அதேபகுதி  என்.எஸ்.கே நகரை சேர்ந்த சந்தீப்குமார் (24) என்பவர் முன்விரோத தகராறில் தனது  கூட்டளிகளுடன் சேர்ந்து நேற்று முன்தினம் ஆதியை வெட்டி கொன்றார். அண்ணா நகர்  போலீசார் வழக்கு பதிந்து, சந்தீப்குமாரை கைது  செய்தனர். இந்த வழக்கில் தொடர்புடைய பெரும்பாக்கம் முருகன் (22), ராஜா (27), அரும்பாக்கம் என்எஸ்கே நகர் கார்த்திக் (23), ஷெனாய் நகர் அரவிந்தகுமார் (எ)  அரவிந்தன் (23), சுருளி (எ) சிலம்பரசன் (21), ஐசிஎப் கக்கன்ஜி நகர் சபரிநாதன் (எ) சபரி (20) அகிய 6 பேரை போலீசார் நேற்று கைது செய்தனர்.

* ஓட்டேரி திடீர் நகரில் கஞ்சா விற்ற சீனிவாசன் (25), சக்திவேல் (25) ஆகியோரை போலீசார் கைது செய்தனர். இவர்களிடம் இருந்து ரூ.2 லட்சம் மதிப்புள்ள இரண்டேகால் கிலோ கஞ்சா பறிமுதல் செய்யப்பட்டது.

* வியாசர்பாடி எழில் நகரை சேர்ந்தவர்  சஞ்சய் (20). இவர், நேற்று  முன்தினம் நண்பர்களுடன் மெரினா கடலில் குளித்தபோது, ராட்சத அலையில் மாயமானார். போலீசார், அவரை தேடிவருகின்றனர்.

* எழும்பூர் எத்திராஜ் லேனில் உள்ள கேளிக்கை விடுதி  ஒன்றில் சூதாட்டம் நடத்திய விடுதி மேற்பார்வையானர்  ரவி (49), அப்துல் குத்தூஸ் (47) உள்பட 18 பேரை போலீசார் கைது செய்தனர்.

* மூவரசன்பட்டு பிரதான சாலையில் உள்ள கங்கை அம்மன் ஆலயத்தை நேற்று காலை பூசாரி குமார் திறக்க வந்தபோது,   பூட்டு உடைக்கப்பட்டு  உண்டியல் பணம், 2  வெள்ளி வேல், அம்மன் தாலி சரடு, மாங்கல்ய பொட்டு, நாணல் குழாய், கண்மலர்  உள்பட 6 சவரன் நகைகள்,  அம்மனுக்கு அணிவித்திருந்த  10 ஆயிரம் ரூபாய் நோட்டு மாலை ஆகியவற்றை மர்ம நபர்கள் கொள்ளையடித்து சென்றது தெரிந்தது.

* புளியந்தோப்பு வஉசி நகரை சேர்ந்தவர் நூருல்லா (28). இவரது தங்கை சம்சாத் (20), கணவரை பிரிந்து இவருடன் வசித்து வருகிறார். நூருல்லா நேற்று காலை வெளியில் சென்று வீடு திரும்பியபோது, பட்டாளம் பகுதியை சேர்ந்த ஆகாஷ் (18) என்பவருடன் சம்சாத் நெருக்கமாக இருப்பதை பார்த்து அதிர்ச்சியடைந்தார். இதனால் ஆத்திரமடைந்த நூருல்லா, அரிவாளால் ஆகாஷை சரமாரியாக வெட்டினார். இதில், படுகாயமடைந்த ஆகாஷ் மருத்துவமனையில் சிகிச்சையளித்து வருகிறார். போலீசார் நூருல்லாவை கைது செய்தனர்.      

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்