SUN குழுமத்திலிருந்து வெளிவரும் காலை நாளிதழ்

கோர்ட்டில் ஆஜராக மனைவியை அழைத்து வந்தவர் மீது கணவன் குடும்பத்தினர் தாக்குதல்

7/13/2018 2:42:24 AM

துறையூர், ஜூலை 13: துறையூர் நீதிமன்ற வளாகத்தில் விவாகரத்து வழக்கில் ஆஜராவதற்காக மனைவியுடன் வந்தவருடன் தகராறு செய்து தள்ளிவிட்டதில் அவரது கால் முறிந்தது. நீதிமன்ற வளாகத்தில் நடந்த இந்த சம்பவம் பரபரப்பை ஏற்படுத்தி உள்ளது. திருச்சி மாவட்டம், துறையூர் அருகே சிங்களாந்தபுரத்தை சேர்ந்தவர் சத்தியசீலன். இவருக்கும் நாமக்கல் எருமைப்பட்டியை சேர்ந்த முத்துலட்சுமிக்கும் திருமணமாகி 4 ஆண்டுகளாகிறது. திருமணமான 3 மாதத்திலேயே கணவன், மனைவி பிரிந்துவிட்டனர்.இந்நிலையில் விவாகரத்து கேட்டு துறையூர் நீதிமன்றத்தில் மனு தாக்கல் செய்தனர். அனைத்து வாய்தாவுக்கும் ஆஜரான சத்தியசீலன் நேற்றுமுன்தினம் வழக்கு விசாரணைக்காக நீதிமன்றத்துக்கு வந்தார். அப்போது முத்துலெட்சுமி, நீலமேகம் என்பவருடன் பைக்கில் கோர்ட்டுக்கு வந்து காத்திருந்தார். அப்போது சத்தியசீலன், நீலமேகத்திடம் சென்று தகராறு செய்தார்.

அப்போது சத்தியசீலனின் உறவினர்களும் சேர்ந்து தகராறு செய்ததில் தள்ளுமுள்ளு ஏற்பட்டது.  இதில் கீழே விழுந்த நீலமேகத்தின் கால் எலும்பு முறிந்தது. இந்த சத்தம் கேட்டு நீதிபதி மற்றும் போலீசார் வெளியே வந்தனர். பின்னர் காயமடைந்த நீலமேகத்தை சிகிச்சைக்காக மருத்துவமனையில் சேர்த்தனர். இதுகுறித்து துறையூர் போலீசார்  சத்தியசீலன், உறவினர் பூபாலன் ஆகியோரை கைது செய்தனர். மேலும் சத்தியசீலனின் தாய் சரோஜா, தங்கை கவிதா ஆகியோர் மீது வழக்கு பதிவு செய்து விசாரித்து வருகின்றனர். துறையூர் நீதிமன்ற வளாகத்தில் நடந்த இந்த சம்பவம் பரபரப்பை ஏற்படுத்தியுள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • thiruvan_5thdaycelb

    திருவண்ணாமலை தீபத்திருவிழாவின் 5 ஆம் நாள்: விநாயகர், சந்தரசேகரர் மாட வீதியில் பவனி

  • rarephots_indiragandhi

    முன்னாள் பிரதமர் இந்திரா காந்தியின் அரிய புகைப்படங்கள்!

  • 2018_indiragandibirthdy

    இரும்பு பெண்மணி இந்திரா காந்தியின் 101 வது பிறந்த தினம்: தலைவர்கள் மரியாதை!

  • america_winterstorm2018

    வடகிழக்கு அமெரிக்க பகுதிகளில் தொடங்கியுள்ள முதல் பனிப்புயல்!

  • 2018wildfire_trumph

    கலிபோர்னியா காட்டுத்தீயால் பாதிக்கப்பட்ட பகுதிகளை பார்வையிட்ட டிரம்ப்

படங்கள் வீடியோ கல்வி சினிமா ஜோ‌திட‌ம்