SUN குழுமத்திலிருந்து வெளிவரும் காலை நாளிதழ்

மேலும் சாலை வசதிகளையும் செய்து தரவேண்டும் என்றார். வாழை மரங்களை வெட்டி அழித்து 3 ஏக்கர் நிலத்தை அபகரிக்க முயற்சி

7/13/2018 2:42:19 AM

திருச்சி, ஜூலை 13: கல்லூரி நிர்வாகம் இனாமாக கொடுத்த நிலத்தில் பயிரிட்டுள்ள வாழை மரங்களை வெட்டி அழித்து 3 ஏக்கர் நிலத்தை தனிநபர் அபகரிக்க முயற்சிப்பதை தடுக்க நடவடிக்கை எடுக்க வேண்டுமென திருச்சி போலீஸ் கமிஷனரிடம் பெண் புகார் மனு கொடுத்துள்ளார்.
திருச்சி சிந்தாமணி அந்தோணியார் கோயில் தெருவை சேர்ந்தவர் நிர்மலா. இவர் தனது சகோதரிகள் மற்றும் தேசிய தென்னிந்திய நதிகள் இணைப்பு விவசாயிகள் சங்க மாநில தலைவர் அய்யாக்கண்ணு தலைமையில் நேற்று சென்று மாநகர போலீஸ் கமிஷனர் அமல்ராஜிடம் மனு அளித்தார். அதில் அவர் கூறியிருப்பதாவது:

எனது தாய் ஜெயமேரி 1965ம் ஆண்டிலிருந்து ஒரு கல்லூரிக்கு சொந்தமான நிலத்தை கல்லூரி நிர்வாகத்திடமிருந்து குத்தகைக்கு எடுத்து விவசாயம் செய்து வந்தார். இந்த இடம் சிந்தாமணி கரூர் பைபாஸ் ரோட்டில் உள்ளது. கல்லூரி நிர்வாகம் 3 ஏக்கர் நிலத்தை எனது தாயாருக்கு இனாமாக கொடுத்தது. மேலும் கல்லூரியின் நிர்வாக கவுன்சில் மூலம் உரிய தீர்மானத்தினை நிறைவேற்றி கொடுத்துள்ளது. எனது தாய் இறந்த பின்னர் அந்த நிலங்களை நான் பராமரித்து வருகிறேன். என் தாயாருக்கு 6 மகள்கள் உள்ளனர். எனவே இந்த இடத்தை வாரிசுபடி அனுபவித்து வருகிறோம். இந்நிலையில் கிராம உதவியாளர் பிச்சைமுத்து என்பவர் இந்த சொத்தின் போலி ஆவணங்களை அரசு அலுவலகங்களில் தயாரித்து வருவதாக தகவல் தெரிந்தவுடன் நான் திருச்சி ஆர்டிஓவிடம் புகார் அளித்ததன்பேரில், விசாரணை செய்து வழக்கு நிலுவையில் உள்ளது.

இந்நிலையில் அந்த நிலத்தில் 150 வாழை மரங்கள் சாகுபடி செய்திருந்தேன். கடந்த ஜூன் 13ம் தேதி பாலகிருஷ்ணன் என்பவர் அந்த இடம் எனக்கு சொந்தம் என கூறி தகராறில் ஈடுபட்டு அத்து மீறி நுழைந்து வாழைகளை வெட்டி சேதப்படுத்திவிட்டார். இடம் யாருக்கு சொந்தம் என்பது குறித்து வழக்கு தொடர்ந்துள்ளேன். எனவே இந்த இடத்தின் உரிமையாளர் யார் என்று திருச்சி கோர்ட் முடிவு செய்யும் வரை தொந்தரவு செய்யாமல் தடுத்து நிறுத்தவும், எங்களுக்கு பாதுகாப்பு அளிக்கவும் நடவடிக்கை எடுக்க வேண்டும். இவ்வாறு மனுவில் கூறியுள்ளார். மனுவை பெற்றுக்கொண்ட கமிஷனர் அமல்ராஜ் விசாரித்து நடவடிக்கை எடுப்பதாக கூறினார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

  • SuperSnowMoon2k19

    அதிக ஒளியுடனும், பூமிக்கு மிக அருகிலும் தெரிந்த சூப்பர் மூன்: ரம்மியமான அரிய நிகழ்வை கண்டு ரசித்த மக்கள்!

  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்