SUN குழுமத்திலிருந்து வெளிவரும் காலை நாளிதழ்

காவிரி போராட்டத்தில் சாலை மறியலில் ஈடுபட்ட மன்சூர் அலிகான் உள்ளிட்ட 18 பேருக்கும் நிபந்தனை ஜாமீன்

4/25/2018 2:42:37 AM

சென்னை: காவிரி மேலாண்மை வாரியம் அமைக்காத மத்திய அரசை கண்டித்து தமிழகத்தில் பல்வேறு கட்சியினர் போராட்டம் நடத்தினர்.  இந்நிலையில், கடந்த 12ம் தேதி சென்னை அடுத்த திருவிடந்தையில் ராணுவ தளவாட கண்காட்சியை தொடங்கி வைக்க வருகை தந்த பிரதமர்  மோடிக்கு எதிர்ப்பு தெரிவித்து கருப்பு கொடி காட்டியதாக, நாம் தமிழர் கட்சி ஒருங்கிணைப்பாளர் சீமான், இயக்குனர்கள் பாரதிராஜா, அமீர் ஆகியோர்  கைது செய்யப்பட்டு விடுவிக்கப்பட்டனர்.முன்னதாக, திருமண மண்டபத்தில் இருந்த சீமானை கைது செய்யும் நடவடிக்கையில் போலீசார் இறங்கினர். தகவலறிந்து நடிகர் மன்சூர் அலிகான்,  கூடங்குளம் அணுஉலை எதிர்ப்பு ஒருங்கிணைப்பாளர் சுப.உதயகுமார் ஆகியோர் அங்கு வந்தனர். சீமானை சந்திக்க போலீசார் அனுமதி மறுத்ததால்  இருவரும், தங்களது ஆதரவாளர்களுடன் பல்லாவரம் ஜிஎஸ்டி சாலையில் மறியலில் ஈடுபட்டனர்.

மத்திய, மாநில அரசுக்கு எதிராக கண்டன கோஷம் எழுப்பினர். போலீசார் தடியடி நடத்தி மன்சூர் அலிகான் உள்ளிட்ட 18 பேரை கைது செய்தனர். இந்த வழக்கில் மன்சூர் லிகான், ஜாமீன் கேட்டு செங்கல்பட்டு மாவட்ட முதன்மை அமர்வு நீதிமன்றத்தில் மனு தாக்கல் செய்திருந்தார். இந்த வழக்கு  நீதிபதி செல்வகுமார் முன்னிலையில் நேற்று விசாரணைக்கு வந்தது. இரு தரப்பு வாதங்களையும் கேட்ட நீதிபதி, மன்சூர் அலிகான் உள்ளிட்ட 18  பேரும் திருத்தணி நீதிமன்றத்தில் தினமும் காலை 10 மணிக்கு ஆஜராகி கையெழுத்திட வேண்டும் என்று உத்தரவிட்டார்.அப்போது, மன்சூர் அலிகான் தரப்பு வக்கீல், ‘மன்சூர் அலிகானுக்கு உடல் நிலை சரியில்லை, அவரால் திருத்தணி நீதிமன்றத்துக்கு செல்ல இயலாது’’  என்றார். இதையடுத்து, ‘செங்கல்பட்டு டவுன் போலீஸ் நிலையத்தில் காலை 10 மணிக்கு மன்சூர் அலிகான் ஆஜராகி கையெழுத்திட வேண்டும்’’  என்று நீதிபதி உத்தரவிட்டார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • Netajimodi

    நேதாஜி சுபாஷ் சந்திரபோஸ் அருங்காட்சியகம் : பிரதமர் மோடி திறந்து வைத்தார்

  • VenezuelaProtestMaduro

    அதிபர் மதுரோ பதவி விலகக்கோரி வெனிசுலாவில் வலுப்பெற்றுள்ள போராட்டம்: வன்முறையில் இதுவரை 13 பேர் பலி

  • ChinaAIRestaurant

    முழுக்க முழுக்க ரோபோக்களால் செயல்படும் உணவகம்..: சீன தலைநகர் பெய்ஜிங்கில் திறப்பு

  • GreenLandIceLoss

    கிரீன்லாந்தில் நான்கு மடங்கு அதிகமாக உருகி வரும் பனிப்பாளங்கள்..: விஞ்ஞானிகள் கவலை!

  • BuShFiReTaSmAnIa

    ஆஸ்திரேலிய புதர்காடுகளில் பற்றி எரியும் காட்டுத் தீ...: 720 கி.மீ தூரத்திற்கு தீ பரவும் அபாயம்

படங்கள் வீடியோ கல்வி சினிமா ஜோ‌திட‌ம்