SUN குழுமத்திலிருந்து வெளிவரும் காலை நாளிதழ்

எலக்ட்ரீசியன் கொலை வழக்கு செல்போனில் பேசியவர்களிடம் போலீசார் கிடுக்கிப்பிடி விசாரணை

4/16/2018 1:07:53 AM

சேலம், ஏப்.15: சேலம் அருகே எலக்ட்ரிசியன் கொலை செய்யப்பட்ட வழக்கில், அவரிடம் செல்போனில் பேசிய சந்தேக நபர்களை பிடித்து போலீசார் விசாரித்து வருகின்றனர்.சேலம் அழகாபுரம் பெரியபுதூரைச் சேர்ந்தவர் வீரக்குமார்(41). அயோத்தியாப்பட்டணம் ராமர் கோயில் அருகே, பேளூர் ரோட்டில் எலக்ட்ரிக்கல் கடை நடத்தி வந்தார். கடந்த 3 நாட்களுக்கு முன்பு, வீரக்குமார் கடைக்குள் சரமாரியாக வெட்டிக் கொலை செய்யப்பட்டு கிடந்தார். அவரது சடலத்தை கைப்பற்றிய காரிப்பட்டி போலீசார், தொடர் விசாரணை நடத்தி வருகின்றனர்.இக்கொலையில் ஈடுபட்ட குற்றவாளிகளை பிடிக்க காரிப்பட்டி இன்ஸ்பெக்டர் கமலேசன் தலைமையில் தனிப்படை அமைக்கப்பட்டுள்ளது. முதற்கட்ட விசாரணையில், கொலையுண்ட வீரக்குமார், 3 திருமணம் செய்தும் மனைவிகளை பிரிந்து வாழ்ந்து வந்துள்ளார். இதனால், அவருக்கு மேலும் சில பெண்களுடன் பழக்கம் ஏற்பட்டுள்ளது. அந்த பெண்களின் உறவினர்கள் தரப்பில் இருந்து இக்கொலையை அறங்கேற்றியிருக்கலாம் என போலீசாருக்கு சந்தேகம் ஏற்பட்டது. அதுதொடர்பாக தனிப்படை போலீசார் தீவிர விசாரணையில் இறங்கினர்.
 இதனிடையே வீரக்குமாரின் செல்போனுக்கு கொலையுண்ட நாளில் பேசியநபர்களின் பட்டியலை எடுத்து போலீசார் விசாரணையை முடுக்கி விட்டுள்ளனர். இதன்பேரில், சந்தேக நபர்கள் 5 பேரை பிடித்து வந்து கிடுக்கிப்பிடி விசாரணை நடத்தி வருகின்றனர். இதுபற்றி போலீஸ் அதிகாரிகள் கூறுகையில், ‘வீரக்குமார் கொலை, கள்ளக்காதல் விவகாரத்தில் நடந்திருக்க வாய்ப்புள்ளதாக தெரியவந்துள்ளது. அந்த கோணத்தில் சிலரை பிடித்து வந்து விசாரிக்கிறோம். ஓரிரு நாளில் கொலையாளிகள் கைது செய்யப்படுவார்கள்,’ என்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • VeronicaStorm

    ஆஸ்திரேலியாவை மிரட்டி வந்த வெரோனிகா புயல் கரையை கடந்தது

  • vehicletest

    பாராளுமன்ற தேர்தலையொட்டி தீவிர வாகன சோதனையில் ஈடுபட்டுள்ள தேர்தல் கண்காணிப்பு படையினர்

  • germanybuilding

    ஜெர்மனியில் 1970ம் ஆண்டு கட்டப்பட்ட பழைய கட்டிடம் வெடி வைத்து தகர்ப்பு: புகைப்படங்கள்!

  • siriyaa

    ஐ.எஸ் பயங்கரவாதிகள் பிடியில் இருந்த கடைசி எல்லைப்பகுதியை கைப்பற்றியது சிரியா

  • londonprotest

    பிரிட்டன் பிரதமருக்கு எதிராக மீண்டும் தலைதூக்கும் போராட்டம்: பிரெக்ஸிட் ஒப்பந்தத்தை எதிர்த்து மக்கள் பேரணி!

படங்கள் வீடியோ கல்வி சினிமா ஜோ‌திட‌ம்