SUN குழுமத்திலிருந்து வெளிவரும் காலை நாளிதழ்

அமர்நாத் புனித யாத்திரைக்கு சுகாதார சான்றிதழ் வழங்கும் பணி

3/13/2018 7:13:13 AM

கோவை, மார்ச்.13: கோவை மண்டலத்தை சேர்ந்தவர்கள் அமர்நாத் புனித யாத்திரை மேற்கொள்ள சுகாதார சான்றிதழ் கோவை அரசு மருத்துவமனையில் வழங்கப்பட்டு வருகிறது. அமர்நாத் புனித யாத்திரை வரும் ஜூன் 29ம் தேதி முதல் ஆகஸ்ட் 26ம் தேதி வரை நடக்கிறது. இந்த யாத்திரை மேற்கொள்ள முன்பதிவு செய்ய வேண்டும். அனுமதி இல்லாமல் யாத்திரை மேற்கொள்ள முடியாது. யாத்திரைக்கான அனுமதி மாநிலங்கள் மற்றும் யூனியன் பிரதேசங்களில் உள்ள பல்வேறு வங்கி கிளைகள் மூலம் அளிக்கப்படுகிறது. யாத்திரை செல்ல அனுமதி பெற அங்கீகரிக்கப்பட்ட மருத்துவர் மூலம் வழங்கப்படும் சுகாதார சான்றிதழ் கட்டாயம் சமர்பிக்க வேண்டும். இதற்கான, முகாம் கடந்த 1ம் தேதி முதல் நடந்து வருகிறது. மண்டலம் வாரியாக பிரிக்கப்பட்டு சான்றிதழ்கள் அரசு மருத்துவ கல்லூரி மருத்துவமனை இருப்பிட மருத்துவ அலுவலர்கள் மூலம் வழங்கப்பட்டு வருகிறது. இதுகுறித்து கோவை அரசு மருத்துவமனை இருப்பிட மருத்துவ அலுவலர் சவுந்திரவேல் கூறியதாவது:

கோவை, நீலகிரி, திருப்பூர், ஈரோடு, சேலம் உள்ளிட்ட 8 மாவட்ட பகுதியை சேர்ந்தவர்கள் சுகாதார சான்றிதழ் பெற கோவை அரசு மருத்துவமனைக்கு வருகின்றனர். யாத்திரைக்கு செல்பவர்கள் வரையறை செய்யப்பட்ட உடல் தகுதி, வயது, அன்றாட வாழ்க்கையில் உடற்பயிற்சி, ரத்த அழுத்தம், இ.சி.ஜி., மலையேறுவதில் பயிற்சி உள்ளிட்டவை குறித்து பரிசோதனைகள் மூலம் உறுதி செய்யப்பட்டு சான்றிதழ் வழங்கப்படுகிறது. தற்போது வரை 75 பேருக்கு சான்றிதழ் வழங்கப்பட்டுள்ளது. இவ்வாறு அவர் கூறினார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-06-2018

    18-06-2018 இன்றை சிறப்பு படங்கள்

  • 17-06-2018

    17-06-2018 இன்றைய சிறப்பு படங்கள்

  • ramalanchennaifestival

    தமிழகம் உள்பட நாடு முழுவதும் இஸ்லாமியர்கள் ரம்ஜான் பண்டிகை கொண்டாட்டம் : மசூதிகளில் சிறப்பு தொழுகை

  • DragonBoatTournament2018

    சீனாவில் உலகப்புகழ் பெற்ற டிராகன் படகு போட்டி: போட்டியை காண ஏராளமானோர் வருகை

  • fifa_wcer1

    2018 கால்பந்து உலகக் கோப்பை : உலக முழுவதும் ரசிகர்களை தொற்றிய கால்பந்து ஜுரம்

படங்கள் வீடியோ கல்வி சினிமா ஜோ‌திட‌ம்