SUN குழுமத்திலிருந்து வெளிவரும் காலை நாளிதழ்

மகா சிவராத்திரி விழா சிவன் கோயில்களில் இன்று விடிய, விடிய அபிஷேகம்

2/13/2018 10:54:58 AM

சேலம், பிப்.13:  மகா சிவராத்திரியையொட்டி, சிவன் கோயில்களில் இன்று (13ம் தேதி) இரவு விடிய, விடிய சிறப்பு அபிஷேகம், அலங்கார ஆராதனைகள் நடக்கிறது. மாசி மாதத்தில் வரும் சிவராத்திரி, மகா சிவராத்திரியாக கொண்டாடப்படுகிறது. மகா சிவராத்திரியையொட்டி சேலம் சுகவனேஸ்வரர் கோயிலில் இன்றிரவு சிவன், அம்பாளுக்கு பால், தயிர், குங்குமம், மஞ்சள், இளநீர், பன்னீர், பஞ்சாமிர்தம், சந்தனம் உள்ளிட்ட 32 வகை திரவியங்களால் சிறப்பு அபிஷேகம் நடக்கிறது.  

இன்றிரவு 8 மணிக்கு முதல் ஜாம கால அபிஷேகம் நடக்கிறது. இதில் சுகவனேஸ்வரர், சொர்ணாம்பிகை அம்மனுக்கு தங்கக்கவசம் சாத்துப்படி நடக்கிறது. 11 மணிக்கு இரண்டாம் ஜாமகால அபிஷேகம், புஷ்ப அலங்காரமும், நள்ளிரவு 1.30 மணிக்கு மூன்றாம் ஜாமகால அபிஷேகம், தாழம்பூ அலங்காரமும், அதிகாலை 4 மணிக்கு நான்காம் ஜாமகால அபிஷேகம், வெள்ளிக்கவசம் சாத்துப்படி நடக்கிறது. நாளை (14ம் தேதி) காலை 5 மணி அபிஷேகம், 5.30 மணிக்கு மகா தீபாராதனைகள் நடக்கிறது.

அதன்பின் சிவன், அம்பாளுக்கு சிறப்பு அலங்கார ஆராதனைகள் நடக்கிறது. இந்நிகழ்ச்சியின் போது, கோயில்களில் பக்தர்கள் விடிய, விடிய கண்விழித்து தேவாரம், திருவாசகம் பாடுவது வழக்கம்.  தாரமங்கலம் கைலாசநாதர் கோயில், பேளூர் தான்தோன்றீஸ்வரர் கோயில், உத்தமசோழபுரம் கரபுரநாதர் கோயில், காசிவிஸ்வநாதர் கோயில், ஆறகளூர் சிவன் கோயில் உள்பட சேலம் மாவட்டத்தில் உள்ள அனைத்து  சிவன் கோயில்களிலும் சிறப்பு அபிஷேகம், அலங்கார ஆராதனைகளுக்கு ஏற்பாடு செய்யப்பட்டுள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 16-02-2019

    16-02-2019 இன்றைய சிறப்பு படங்கள்

  • BrightBrussels

    ஒளியின் மாயாஜாலத்தை மக்களுக்கு காண்பிக்க கொண்டாடப்படும் பிரைட் பிரஸ்ஸல்ஸ் திருவிழா: பெல்ஜியத்தில் கோலாகலம்

  • francelemon

    பிரான்சில் நடைபெற்ற 86வது லெமன் திருவிழா : பழங்களை கொண்டு பிரம்மாண்ட சிற்பங்கள் வடிவமைப்பு

  • TitanicReplicaChina

    முழு அளவிலான டைட்டானிக் கப்பலை மீண்டும் கட்டமைத்து வரும் சீனா..: புகைப்பட தொகுப்பு

  • train18modi

    டெல்லியில் ட்ரெயின் 18 'வந்தேபாரத் எக்ஸ்பிரஸ்'- ஐ கொடியசைத்து துவக்கி வைத்தார் பிரதமர் மோடி

படங்கள் வீடியோ கல்வி சினிமா ஜோ‌திட‌ம்