SUN குழுமத்திலிருந்து வெளிவரும் காலை நாளிதழ்

முதல் கணவனுக்கு திருமண ஏற்பாடு நடந்ததால் 2வது கணவனுடன் வசித்த இளம்பெண் தற்கொலை சேலத்தில் பரபரப்பு

2/13/2018 10:54:51 AM

சேலம், பிப்.13:  சேலம் வீராணம் அருகே டி.பெருமாபாளையம் காந்திநகர் காலனியை சேர்ந்த கூலி தொழிலாளி பெருமாள்(30). இவருக்கும், வீரபாண்டியை சேர்ந்த பூமணி(22) என்பவருக்கும் கடந்த 4 ஆண்டுகளுக்கு முன்பு திருமணம் நடந்தது. இவர்களுக்கு குழந்தைகள் இல்லை. இந்நிலையில், கடந்த சில மாதங்களுக்கு முன்பு வினோத்குமார்(24) என்பவருடன் பூமணிக்கு பழக்கம் ஏற்பட்டது.

இது ஊர்மக்களுக்கு தெரியவந்ததால், சில மாதங்களுக்கு முன்பு  ஊர் பஞ்சாயத்து கூட்டப்பட்டது. இதில், கணவன், மனைவியை பிரித்து வைத்த பஞ்சாயத்தார், வாலிபர் வினோத்குமாரையே பூமணி திருமணம் செய்து கொள்ள வேண்டும் என்றும், பாதிக்கப்பட்ட பெருமாளுக்கு ₹1.50 லட்சம் இழப்பீடு வழங்க வேண்டும் என்றும் தீர்ப்பு கூறியது. அதன்படி, பெருமாளுக்கு ₹1.40 லட்சத்தை இழப்பீடாக கொடுத்த பூமணி, வினோத்குமாரை 2வது திருமணம் செய்து கொண்டு குடும்பம் நடத்தி வந்தார்.

இந்நிலையில், பெருமாளுக்கு இன்னொரு திருமணம் செய்து வைக்க அவரது பெற்றோர் முடிவு செய்தனர். இதையறிந்த பூமணி, கடந்த 4 நாட்களுக்கு முன் பெருமாள் வீட்டுக்கு சென்று, திருமண ஏற்பாடு குறித்து விசாரித்தார். ஆனால், அவரிடம் பெருமாள் பேச மறுத்து விட்டதாக கூறப்படுகிறது. இதனால், மனமுடைந்த பூமணி அதே பகுதியில் உள்ள கிணற்றில் குதித்து தற்கொலை செய்து கொண்டார்.

இதனிடையே, ஆத்தூர் அருகே தலைவாசலுக்கு வேலைக்கு சென்று விட்டு வந்த 2வது கணவர் வினோத்குமார், மனைவியை காணாமல் தேடினார்.
நேற்று முன்தினம், பூமணி கிணற்றில் சடலமாக மிதப்பது கண்டுபிடிக்கப்பட்டது. தகவலின் பேரில், சடலத்தை மீட்ட வீராணம் போலீசார் விசாரணை நடத்தினர். முதல் கணவருக்கு திருமணம் நடக்கும் வேதனையில் பூமணி தற்கொலை செய்து கொண்டது போலீசாரின் விசாரணையில் தெரியவந்துள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • vaanvali_makal111

    நிலைகுலைந்துள்ள கேரளம்... வாழ்வாதாரத்தை இழந்து மக்கள் கடும் அவதி : மாநிலத்தின் வான்வழி படங்கள்

  • delta_kadai111

    காய்கிறது டெல்டா கடைமடைகள் ! : சிறப்பு படத் தொகுப்பு

  • prathmar_rajiv1

    முன்னாள் பிரதமர் ராஜீவ் காந்தி பிறந்த நாளையொட்டி நினைவிடத்தில் குடும்பத்தினர், அரசியல் தலைவர்கள் மரியாதை

  • kerala_makkal111

    மழை குறைந்தும் தணியாத துயரம் : உணவு, தண்ணீருக்காக கேரள மக்கள் கையேந்தும் கொடுமை

  • 20-08-2018

    20-08-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்