SUN குழுமத்திலிருந்து வெளிவரும் காலை நாளிதழ்

திருச்சி சாலையில் பாதாள சாக்கடைக்கு மண் மாதிரி ஆய்வு

2/13/2018 10:41:48 AM

கோவை, பிப்.13: மத்திய அரசின் ஜவஹர்லால் நேரு தேசிய நகர்ப்புற புனரமைப்பு திட்டத்தின் கீழ், கோவை மாநகராட்சி பகுதியில் பாதாள சாக்கடை திட்டம் செயல்படுத்தப்படுகிறது. முதல் இரு கட்டப்பணிகள் முடிந்து தற்போது மூன்றாவது கட்டமாக ரூ.143.65 கோடி மதிப்பீட்டில் 297.46 கிலோ மீட்டர் தூரத்திற்கு பாதாள சாக்கடை அமைக்கும் திட்டம் மேற்கொள்ளப்பட்டு வருகிறது. திருச்சி சாலையில் ராமநாதபுரம் அருகேயுள்ள அல்வேனியா பள்ளியில் இருந்து ஒண்டிப்புதூர் பாலம் வரை சுமார் 6 கிலோ மீட்டர் தூரத்திற்கு பாதாள சாக்கடை திட்டப்பணிகள் நீண்ட நாட்களாக கிடப்பில் போடப்பட்டு இருந்தது.

தேசிய நெடுஞ்சாலைத்துறையினரிடம் அனுமதி பெறுவதில் ஏற்பட்ட தாமதம் காரணமாக, திருச்சி சாலையில் பாதாள சாக்கடை திட்டம் தாமதமானதாக கூறப்பட்டது. இந்நிலையில், திருச்சிசாலையில் 6 கிலோ மீட்டர் தூரத்திற்கு பாதாள சாக்கடை திட்டம் செயல்படுத்த மாநகராட்சியால் டெல்லி தேசிய நெடுஞ்சாலைத்துறை ஆணையகத்திடம் கடந்த சில மாதங்களுக்கு முன்னர் அனுமதி பெறப்பட்டது. இந்த சாலையை தோண்டுவதற்கு கட்டணமாக ரூ.4.83 கோடி ரூபாய் தேசிய நெடுஞ்சாலைத்துறை ஆணையகத்திற்கு கடந்த இரு மாதங்களுக்கு முன் செலுத்தப்பட்டது.

மொத்தமுள்ள 6 கிலோ மீட்டர் தூரத்தில் 2,450 மீட்டர் தூரத்திற்கு 1,600 எம்.எம் அளவு கொண்ட பெரிய பாதாள சாக்கடை குழாய்களும், 1,040 மீட்டர் தூரத்திற்கு 1,400 எம்.எம் அளவு கொண்ட பாதாள சாக்கடை குழாய்களும், 688 மீட்டர் தூரத்திற்கு 1,200 எம்.எம் அளவு கொண்ட பாதாள சாக்கடை குழாய்களும் அமைக்க மாநகராட்சியால் முடிவு செய்யப்பட்டது. இந்நிலையில், பாதாள சாக்கடைப்பணிக்கான மண்பரிசோதனை உள்ளிட்ட அடிப்படை நடவடிக்கைகள் திருச்சிசாலையில் மாநகராட்சி நிர்வாகத்தால் மேற்கொள்ளப்பட்டு வருகிறது.

இதுகுறித்து மாநகராட்சி அதிகாரிகள் கூறுகையில்,‘‘ திருச்சிசாலையில் பாதாள சாக்கடை திட்டம் செயல்படுத்த நடவடிக்கை தீவிரப்படுத்தப்பட்டுள்ளது. இதற்காக 6 கிலோ மீட்டர் தூரம் கொண்ட இந்த சாலையில் ஆங்காங்கே மண்கள் மாதிரி சேகரிக்கப்பட்டு சென்னையில் உள்ள ஆய்வகத்திற்கு சமர்ப்பிக்கப்பட்டுள்ளது. இதன் முடிவு சில நாட்களில் கிடைத்துவிடும். இம்முடிவுக்கு ஏற்ப தேவைப்படும் தாங்குதிறன் விகிதத்தில் சிமென்ட் பாதாள சாக்கடை குழாய்கள் தயாரிக்கும் பணி துவக்கப்படும். மார்ச் முதல்வாரத்தில் திருச்சிசாலையில் பாதாள சாக்கடை பணிகள் மாநகராட்சியால் துவக்கப்படும்,’ என்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-02-2019

    18-02-2019 இன்றைய சிறப்பு படங்கள்

  • 17-02-2019

    17-02-2019 இன்றைய சிறப்பு படங்கள்

  • 16-02-2019

    16-02-2019 இன்றைய சிறப்பு படங்கள்

  • BrightBrussels

    ஒளியின் மாயாஜாலத்தை மக்களுக்கு காண்பிக்க கொண்டாடப்படும் பிரைட் பிரஸ்ஸல்ஸ் திருவிழா: பெல்ஜியத்தில் கோலாகலம்

  • francelemon

    பிரான்சில் நடைபெற்ற 86வது லெமன் திருவிழா : பழங்களை கொண்டு பிரம்மாண்ட சிற்பங்கள் வடிவமைப்பு

படங்கள் வீடியோ கல்வி சினிமா ஜோ‌திட‌ம்