SUN குழுமத்திலிருந்து வெளிவரும் காலை நாளிதழ்

வீடுகட்ட வங்கிக்கடன் வாங்கித்தருவதாக ₹2 லட்சம் மோசடி செய்த பெண் கைது

2/12/2018 12:54:35 PM

சென்னை, பிப். 12: சென்னை புழல், திருப்பூர்குமரன் தெருவில் வாடகை வீட்டில் வசிப்பவர் செல்வி (எ) கலைச்செல்வி (40). இவர், அக்கம் பக்கத்தினரிடம் நெருங்கி பழகியுள்ளார். அப்போது, செங்குன்றத்தில் உள்ள தனியார் வங்கி அதிகாரிகளுடன் எனக்கு நல்ல பழக்கம் உள்ளது. அவர்களிடம் கூறி,  வீடு கட்டுவதற்கு  ₹2 முதல் 5 லட்சம் வரை நிதியுதவி வாங்கி தருகிறேன். அதற்கு கமிஷனாக ₹5 ஆயிரம் தரவேண்டும் என ஆசைவார்த்தை கூறியுள்ளார்.

 இதை நம்பிய 20க்கும் மேற்பட்ட பெண்கள், தலா ₹5 ஆயிரம் முதல் ₹18 ஆயிரம் வரை கலைச்செல்வியிடம் கொடுத்ததாக கூறப்படுகிறது. அந்தவகையில்  ₹2 லட்சம் வரை அவர் வாங்கியுள்ளார். மேலும், ஒரு சில பெண்கள் தங்களது கணவனுக்கு தெரியாமல் நகை கொடுத்துள்ளனர். பணம் வாங்கி 2 மாதங்கள் ஆகியும் வாக்குறுதி அளித்தபடி வங்கியில் இருந்து பணத்தை வாங்கி சம்பந்தப்பட்டவர்களுக்கு கலை செல்வி கொடுக்கவில்லை. இதனால், பாதிக்கப்பட்ட பெண்கள், பணத்தை திருப்பி கேட்டபோது பணத்தை திருப்பி தருவதாக நாட்களை கடத்தி உள்ளார். மேலும், பணம் கேட்டவர்களிடம், தனக்கு கூலிப்படையை சேர்ந்தவர்களை தெரியும். அவர்களை வைத்து தீர்த்து கட்டிவிடுவேன் என்று கொலை மிரட்டல்விடுத்துள்ளார்.இதுகுறித்து புழல் காவல்நிலையத்தில் கலைச்செல்வி மீது பாதிக்கப்பட்ட பெண்கள் புகார் அளித்தனர். போலீசார் வழக்குப்பதிவு செய்து விசாரித்து கலைச்செல்வியை நேற்று முன்தினம் கைது செய்தனர்.
 

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

  • stalin_arrestkaithu11

    தூத்துக்குடி துப்பாக்கிச்சூடு சம்பவம் தொடர்பாக மதுராந்தகத்தில் போராட்டத்தில் ஈடுபட்ட ஸ்டாலின் கைது

படங்கள் வீடியோ கல்வி சினிமா ஜோ‌திட‌ம்