SUN குழுமத்திலிருந்து வெளிவரும் காலை நாளிதழ்

அனகாபுத்தூரில் நீர்த்தேக்க பகுதியில் ஆக்கிரமிப்பு: 200 குடும்பங்களை அகற்ற வேண்டும்

1/19/2018 10:46:06 AM

சென்னை, ஜன. 19: அனகாபுத்தூர் காயிதே மில்லத் நகரில் சுமார் 200 குடும்பத்தினர் சுமார் 50 ஆண்டுகளாக வசித்து வருகிறார்கள். இவர்கள், குடியிருக்கும் இடம் நீர் தேக்கப் பகுதி என்று வருவாய்துறை ஆவணங்களில் கூறப்பட்டுள்ளது. ஆனால், இந்த இடத்திற்கு பட்டா வழங்கக்கோரி குடியிருப்பவர்கள் வருவாய் துறையினருக்கு தொடர்ந்து மனுக்களை அனுப்பி வந்தனர். இந்நிலையில், இந்த குடியிருப்புகள் இருக்கும் இடம் நீர்த்தேக்க குளப்பகுதி என்பதால் 21 நாட்களுக்குள் காலி செய்ய வேண்டும் என்று காயிதே மில்லத் நகரைச் சேர்ந்த சிலருக்கு பொதுப்பணித்துறை நோட்டீஸ் அனுப்பியது. இதை எதிர்த்து, அக்பர் ஷரீப் என்பவர் உயர் நீதிமன்றத்தில் வழக்கு தொடர்ந்தார்.

இந்த வழக்கு நீதிபதிகள் வேணுகோபால், வைத்தியநாதன் ஆகியோர் அடங்கிய டிவிஷன் பெஞ்சில் விசாரணைக்கு வந்தது. வழக்கை விசாரித்த நீதிபதிகள் அளித்த உத்தரவு வருமாறு: நீர் தேக்கப் பகுதிகள், நீர்பிடிப்பு பகுதிகள் போன்ற இடங்களில் ஆக்கிரமிப்புகள் இருக்கக் கூடாது என்றும் அந்த ஆக்கிரமிப்புகளை உடனே அகற்ற வேண்டும் என்றும் உச்ச நீதிமன்றம் உத்தரவிட்டுள்ளது. இதன் அடிப்படையில் ஆக்கிரமிப்பு இடங்களை காலி செய்யுமாறு தமிழக பொதுப்பணித்துறை நோட்டீஸ் அனுப்பியது.

ஆனால், மனுதாரரும் ஆக்கிரமிப்பு பகுதியில் உள்ளவர்களும் அங்கிருந்து காலி செய்யவில்லை. இதுபோன்ற ஆக்கிரமிப்புகளால்தான் 2015ல் கடுமையான வெள்ளப் பெருக்கில் ஏராளமான இழப்புகள் ஏற்பட்டது. அதன் பிறகுதான் நீர் நிலைகளை ஆக்கிரமிப்பு செய்தவர்களை அகற்றும் பணியில் அரசு இறங்கியது.
எனவே, தங்களுக்கு பட்டா வழங்க வேண்டும் என்று கோரி கொடுக்கப்பட்ட மனுவால் எந்த பயனும் மனுதாரருக்கு ஏற்படப்போவதில்லை. சம்பந்தப்பட்ட இடத்தில் உள்ள ஆக்கிரமிப்புகளை பொதுப்பணித்துறை அதிகாரிகள் 30 நாட்களுக்குள் அகற்ற வேண்டும். இவ்வாறு உத்தரவில் கூறப்பட்டுள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 19-11-2018

    19-11-2018 இன்றைய சிறப்பு படங்கள்

  • 18-11-2018

    18-11-2018 இன்றைய சிறப்பு படங்கள்

  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

படங்கள் வீடியோ கல்வி சினிமா ஜோ‌திட‌ம்