கீழ்ப்பாக்கம், ஜன.19: டி.பி. சத்திரத்தில் கொலை, கொள்ளை, பலாத்காரம், கடத்தல், வழிப்பறி வழக்குகள் தொடர்பாக டி.பி. சத்திரம், கே.வி.என்.புரத்தை சேர்ந்த தட்சிணா என்ற தட்சிணாமூர்த்தி (41), கோகுல் என்ற கோகுலநாதன் (30), அம்பத்தூர், வெங்கடேசபுரத்தை சேர்ந்த விஜயகுமார் (29) ஆகிய 3 பேரையும் டி.பி.சத்திரம் போலீசார் தேடி வந்தனர்.

இந்நிலையில், அம்பத்தூரில் கார் கடத்தலில் ஈடுபட்டு, இவர்கள் 3 பேரும் கைது செய்யப்பட்டு புழல் சிறையில் அடைக்கப்பட்டிருந்தது தெரிந்தது. எனவே, 3 பேரையும் குண்டர்  சட்டத்தில் சிறையில் அடைக்க மாநகர போலீஸ் கமிஷனர் ஏ.கே.விஸ்வநாதன் உத்தரவிட்டார். இதைத்தொடர்ந்து 3 பேரும் குண்டர் சட்டத்தில் சிறையில் அடைக்கப்பட்டனர்.