SUN குழுமத்திலிருந்து வெளிவரும் காலை நாளிதழ்

காந்தி மார்க்கெட்டில் காய்கறி, பழங்கள், பூக்கள் விலை கடும் உயர்வு

1/13/2018 11:04:37 AM

திருச்சி, ஜன. 13:  பொங்கல் பண்டிகையொட்டிகைக்கு காந்திமார்க்கெட்டில் கூட்டம் அலைமோதியது. காய்கறி, பழம், பூக்கள் விலை கடுமையாக உயர்ந்துள்ளது. தமிழகம் முழுவதும் பொங்கல் பண்டிகை நாளை கொண்டாடப்படுகிறது. மறுநாள் (15ம் தேதி) மாட்டுப்பொங்கல், வருகிற 16ம்தேதி காணும் பொங்கல் கொண்டாடப்படுகிறது. பொங்கல் அன்று பெண்கள் வீடுகள் அதிகாலையில் கோலமிட்டு சூரிய உதயத்திற்கு முன் பொங்கல் வைத்து வழிபடுவார்கள். பொங்கல் பண்டிகைக்கு கரும்பு, வாழைப்பழம், பூக்கள், இலை மற்றும் காய்கறிகள் போன்ற பொருட்களை இரண்டு நாளைக்கு முன்பே சந்தை மற்றும் கடைகளில் சென்று வாங்கி வருவார்கள். பொங்கலுக்கு தேவையான பொருட்கள் வாங்க நேற்று திருச்சி காந்தி மார்க்கெட்டில் மக்கள் கூட்டம் அலை மோதியது.

மார்க்கெட்டில் வழக்கத்தை விட பொங்கலையொட்டி பொருட்களின் விலை அதிகரித்துள்ளது. ஒரு கிலோ முந்திரி ரூ.840க்கும், திராட்சை ரூ.240க்கும், உருண்டை வெல்லம் ரூ.58, அச்சு வெல்லம் ரூ.65, பச்சரிசி ரூ.32 என விற்கப்படுகிறது. இதேபோல் ரூ.700க்கு விற்ற பூவன் தார் ரூ.950க்கும், ரூ.450க்கு விற்ற ரஸ்தாளி தார் ரூ.700க்கும், ரூ.250க்கு விற்ற மொந்தன் தார் ரூ.450க்கும், மஞ்சள்கொத்து ரூ.30 என விற்கப்ப டுகிறது.  கடந்தாண்டு 10 கரும்பு கொண்ட ஒரு கட்டு ரூ.400க்கு விற்கப்பட்டது. தற்போது ரூ.300க்கு விற்பனை ஆகிறது. ரூ.60க்கு விற்ற பொங்கல் பானை ரூ.80க்கும், ரூ.70க்கு விற்ற அடுப்பு ரூ.80க்கும் விற்பனையானது.

பூக்கள் விலை இரண்டு மடங்காக உயர்ந்துள்ளது. ஒரு கிலோ ரூ.500க்கு விற்ற சாதிப்பூ 1,000க்கும், ரூ.600க்கு விற்ற மல்லிகை 1,000க்கும், ரூ.60க்கு விற்ற சம்பங்கி ரூ.120க்கும், ரூ.700க்கு விற்ற முல்லை ரூ.1,500க்கும் ரூ.300க்கு விற்ற ரூ.800க்கும் விற்கப்படுகிறது. காய்கறி வகைகளில், ரூ.50க்கு விற்ற ஒரு கிலோ கத்தரிக்காய் ரூ.60, ரூ.25க்கு விற்ற அவரைக் காய் ரூ.40, ரூ20க்கு விற்ற பீன்ஸ் ரூ.30, ரூ.50க்கு விற்ற கேரட் ரூ.60, ரூ. 40க்கு விற்ற மொச்சை ரூ.70 மற்றும் ரூ.100க்கு விற்ற கட்டு முருங்கை ரூ.140 ஆகிய விலைகளில் விற்பனை செய்யப் பட்டு வருகிறது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • thaliland_boyshome

    தாய்லாந்து குகையில் இருந்து மீட்கப்பட்ட 12 சிறுவர்களும் வீடு திரும்பினர்

  • gujaratheavyrain

    குஜராத் மாநிலம் கிர்சோம்நாத் பகுதியில் பலத்தமழை : பொதுமக்கள் பாதிப்பு

  • vintage_car_gurgaon

    பழங்குடிப் பொருட்களிலிருந்து விண்டேஜ் கார்கள் வரை... பல்வேறு வகையான கலைப்பொருட்களை உள்ளடக்கிய குர்கான்!

  • public_trans_venen

    வெனிசுலாவில் அரசு பேருந்துக்கு கடும் கிராக்கி: மக்கள் நாய் வண்டியில் ஏறிச் செல்லும் அவலம்!

  • Manilarainstorm

    பிலிப்பைன்ஸில் கனமழை மற்றும் புயல்: வெள்ளக்காடான மணிலா

படங்கள் வீடியோ கல்வி சினிமா ஜோ‌திட‌ம்